„Војската од вчера е на терен, денес во нешто поголем број, до оној степен до кој штабот процени дека може да даде резултат. Можете да видите дека теренот е толку голем така што тешко е да се претпостави однесувањето и движењето на поединецот. Можевте да се уверите во фактот дека војската и полицијата ги ангажираа сите расположливи капацитети, различни техники со кои располагаат за кои се процени дека ќе помогнат. Вклучивме сè за да стасаме до тој првичен резултат, првиот знак дека би можела да се следи неговата трага, неговите постапки, со цел да го лишиме од слобода, рече Лазаревиќ.

Тој потенцираше дека војската и полицијата ќе ја употребуваат опремата за дневно и ноќно набљудување.

„Се прават претпоставките за тоа што треба да се вклучи, се надеваме дека ќе дадат резултат. Се работи за поединец чие однесување не е лесно да се претпостави, очигледно е дека долго време престојувал во оваа област, дека е вешт во преживување во различни услови, се надевам дека претпоставките ќе дадат резултат“, изјави генералот Лазаревиќ.

„Претпоставуваме дека има оружје и муниција“

Како што кажа, она што особено сака да го потенцира е дека секој граѓанин кој живее на ова има исклучително важна улога.

„Сè што може да биде каков било знак поврзан со него, без оглед на тоа дали е вистинит или не, да го извести Центарот за безбедност Бијело Поље, за да нѝ помогне, што побрзо да го најдеме тоа лице и да ги заштитиме животите на граѓаните. Денеска додјдовме во ситуација да мораме да му изразиме сочувство на семејството Маџгаљ и тоа ни е доволно предупредување дека треба да ја подобриме комуникацијата и да пријавуваме сè што е сомнително“, рече Лазаревиќ.

На прашањето дали има информации дека осомничениот за убиството е вооружен и има муниција со себе, Лазаревиќ вели дека сите овие информации се претпоставка и дека не може да зборува за нивната точност.

„Не може да се зборува за тоа колку муниција има, едноставно никој не го видел, а сега сè е врз база на претпоставки, доволно е сите да бидеме внимателни. Ќе се потрудиме да придонесеме заедно со полицијата кон заштитата на сите граѓани, стравот меѓу луѓето за жал е основан, а сега се договорив со командантот на армиската единица на оваа територија околу тоа вечерва нашите војници да преноќат во сите куќи на овој простор и тие ќе бидат тука за да ги заштитат граѓаните“ вели Лазаревиќ.

Убиецот се крие во напуштен објект?

Извор од самиот врв на безбедносниот сектор за „Побједа“ вели дека една од причините зошто Балијагиќ сè уште ѝ бега на полицијата е тоа што многу добро го познава теренот во селото каде е извршено убиството.

Според изворот, постои голема веројатност дека Балијагиќ се скрил во напуштен објект – штала или куќа. На поширокото подрачје кое полицијата го пребарува има голем број куќи во кои никој не живее. За ова зборуваа и жителите на Томашево.

Теренот е тежок за пребарување

Изворот на „Побједа“ посочува дека Балијагиќ веќе е познат како криминалец, склон кон најтешки кривични дела и важи за личност со психички нарушувања.

„Теренот е тежок за пребарување поради зимзелените дрвја и мора да се биде трпелив во однос на лоцирањето. Се верува дека осомничениот не е подготвен за долг престој надвор“ – изјавил за „Побједа“ извор од безбедносниот сектор.