Замислете дека заедно со вашата сакана личност ја купувате куќата од соништата, а потоа откривате дека во неа се крие шокантна тајна. Тоа е она што му се случи на еден пар кој неодамна пронашол тајна соба и неколку темни тунели под централните скали во нивниот дом во викторијански стил.
Ова застрашувачко откритие тие го објавија во видео на ТикТок кое го привлече вниманието на корисниците, пишува „Дејли стар“.
На почетокот од видеото се гледа човек кој покажува кон отворот под скалите, а штом камерата се доближила, може да почувствувавте морници. Зад старата дрвена врата, откриле голема просторија со морничави, темни тунели кои се протегале од неа.
„Претходниот сопственик не ни го спомна овој дел, ниту го има во документите“, објаснува парот.
Тие се осмелиле да ги истражат тесните премини, кои биле запуштени, полни со урнатини, штици и ѓубре. Од друга страна, водоводните цевки укажувале дека се користени во последно време.
„На одредени делови слушнавме метеж над нас! Повеќе нема да спиеме мирно“, додаваат тие.
Бројни корисници се обидоа да ја откријат мистеријата на скриениот простор, а еден напиша: „Можеби не се тунели, туку поврзани подрумски простории. Ова е вообичаено во викторијанските куќи и само во последните децении луѓето ги затворија“.
Друг корисник додаде: „Ваквите простории се користеле за складирање на дрва и јаглен. Служеле и како еден вид фрижидер за намирници. Фармската куќа на дедо ми, изградена во 1800-тите, имаше подземни складишта“.
Денес
