"Huawei" сврте нова страница во својата историја со претставување на оперативниот систем "HarmonyOS Next".
Ова е всушност првиот оперативен систем кој "Huawei" го разви целосно независно од "Android", па сега сака да ги префрли сите свои уреди на својот нов ОС.
Засега, "HarmonyOS Next" ќе го користат сегашните и идните генерации на уреди на "Huawei" во Кина, но глобалното лансирање веќе е потврдено. Ќе поддржува широк спектар на уреди, од паметни телефони, преносливи уреди, домашни уреди до кокпити за автомобили.
Оперативниот систем на "Huawei" ветува беспрекорна унифицирана архитектура помеѓу уредите што го користат, облак и интероперабилност помеѓу уредите од различни форми.
Huawei just dropped HarmonyOS NEXT—its game-changing, self-developed OS with no ties to Android!
— Dominic Lee 李梓敬 (@dominictsz) October 22, 2024
This is the 5th version of HarmonyOS, already powering over 1 billion devices worldwide. Get ready for a whole new experience!
What doesn't kill you, makes you stronger! pic.twitter.com/tMqhKKLrQz
Компанијата потврди дека 15.000 апликации се дел од екосистемот "HarmonyOS Next", но дека нивниот број ќе продолжи да расте. Исто така, потврдено е дека претходните генерации на "HarmonyOS" моментално ги користат повеќе од милијарда уреди ширум светот.
"Huawei" успеа да ја зголеми брзината на уредот за 30% и да ја намали потрошувачката на енергија во комуникацијата помеѓу софтверските модули за 20%, според нивното соопштение.
"Huawei Share 2.0" ветува лесно поврзување и споделување датотеки помеѓу уредите, а како што велат, корисниците можат да префрлат 1,2 GB податоци помеѓу два "HarmonyOS Next" уреди за само осум секунди.
Јавна бета верзија на "HarmonyOS Next" моментално е достапна за корисниците во Кина, а листата на поддржани уреди ги вклучува сериите "Pure 70", "Huawei Pocket 2" и "MatePad Pro 11" (2024).
