Оние кои сонувале да станат писатели уште од детството, сега можат да го сторат тоа со помош на алатки за вештачка интелигенција. Социјалните мрежи се преплавени со реклами во кои се тврди дека пишувањето цела книга може да се заврши за само еден ден, а големите компании како "Amazon" стојат зад рекламите.
На еден од огласите се гледаат куп книги. На врвот на купот седи џиновска горила, пред него е девојка во бел фустан. Претпоставуваме дека на заинтересираните им е кажано дека Кинг Конг не е добро напишан и дека вие ќе успеете подобро за само 24 часа. Сè се рекламира од луѓе (или ботови), пред чии имиња често има "PhD" (или Ph.D), затоа што претпоставуваме дека докторатите ги напишале со алатки за вештачка интелигенција. Под рекламите се имињата на овие чуда, на пример "bookdaddy.ai" (ако одите на страницата ќе видите дека може да ви помогне да ги напишете, објавите и рекламирате вашите ремек-дела напишани за еден ден).
Пишувањето е напорна и сложена работа, па тешко дека вештачката интелигенција ќе го претвори во „леб без мотика“. Не е јасно зошто некој би сакал да напише нешто со помош на алатка за вештачка интелигенција, бидејќи пишувањето е интимна работа. Писателот обично е тој што стои зад тоа, а тоа е личноста која ги пишувала страниците без ничија помош.
Не го пробувајте ова дома:
Ако го напишете прашањето „Дали е легално да се пишуваат книги со помош на алатки за вештачка интелигенција во пребарувачот на Google, ќе добиете одговор кој вели: „Во некои случаи, авторот мора да нагласи дека не користел вештачка интелигенција за време на пишувањето", бидејќи зошто некој издавач би инвестирал пари во нешто што вклучува алатка наречена „bookdaddy“? И зошто некој би читал книги што се напишани за еден ден?
