Синусите можат да бидат извор на голема непријатност, особено за време на сезоната на настинки и грип, но постојат низа природни начини за олеснување на проблемите со синусите.
Воспалението, затнатоста и болката значително влијаат врз нормалното функционирање предизвикувајќи главоболки, чувство на притисок во пределот на челото и лицето како и проблеми со дишењето. Покрај традиционалните третмани, постојат и низа природни начини кои ќе му помогнат на телото да се избори со воспалението на синусите.
Во продолжение рецептот за вкусно смути кое може да помогне во ублажувањето на симптомите и борбата со вирусите.
2 моркови
2 портокали
Зелено јаболко
Парче свеж ѓумбир
Подготовка – Ставете ги сите состојки во блендер и миксирајте додека не добиете мазна текстура. Ова смути е одличен избор за почеток на денот, но може да се пие и помеѓу оброците за да се осигурате дека внесувате важни хранливи материи.
Морков: Тој содржи бета-каротин, кој во организмот се претвора во витамин А, познат по својата улога во одржување на здравјето на слузокожата и зајакнување на имунитетот. Здравјето на слузокожата е важно за намалување на воспалението во синусите и олеснување на дишењето.
Портокал: Тој изобилува со витамин Ц и антиоксиданти, кои помагаат во зајакнувањето на имунолошкиот систем и борбата против инфекциите кои честопати ги предизвикуваат проблемите со синусите. Исто така витаминот Ц е клучен за намалувањето на воспалението на слузокожата во носната шуплина.
Јаболко: Таа е богата со витамин Ц кој има важна улога во зајакнувањето на имунитетот, а исто така содржи флавоноиди кои помагаат во намалувањето на воспалението.
Ѓумбир: Тој е особено корисен бидејќи има силно противвоспалително и антивирусно дејство, кое може да ја намали болката во грлото, да ја намали конгестијата и да помогне во борбата против вирусите.