Принцезата од Велс е среќна кога нејзините малечки, кои живеат сосема поинаков живот од нивните врсници, се однесуваат како обични деца, но доколку претераат, таа има свој начин да им посочи на проблемот.
Кејт Мидлтон, принцезата од Велс, е горда мајка на три деца, која во јавноста секогаш се однесува онака како што се очекува од членовите на британското кралско семејство и според протоколот.
Само повремено принцот Луис танцува или прави смешни изрази на лицето, додека неговата постара сестра принцезата Шарлот и брат принцот Џорџ се секогаш на висина на задачата.
Како што ова трио почна сè почесто да присуствува на јавни настани, паради и прослави, очигледно е дека децата на Кејт Мидлтон и принцот Вилијам се одлично обучени за нивното однесување на овие собири.
Нивните родители обично низ смев гледаат на ситните пакости вообичаени за деца, но доколку Џорџ, Шарлот и Луис ја преминат границата, нивната мајка наводно им се обраќа со посебна „шифра“.
„Кога принцот Луис недолично се однесуваше на Платинестиот јубилеј на покојната кралица, на пример, плазејќи го јазикот кон мајка си, реакцијата на Кејт беше пофалена од тимови стручни коментатори“, забележал кралскиот биограф Том Квин.
„Очигледно користела тајна шифра за да ги смири децата, како што тоа понекогаш го прави – таа едноставно вели: ’Ајде да направиме пауза‘“, истакнал Квин.
Како што објаснил еден од нивните поранешни вработени, децата знаат дека овие зборови имаат поголема тежина отколку што ние можеме да замислиме.
Имајќи го тоа предвид, Кејт наводно не се грижи премногу за нивното однесување бидејќи е среќна кога гледа дека нејзините деца се само деца.
„Луис е енергично дете и очигледно не можеше да ја задржи возбудата што присуствува на јавен настан“, изјавил извор за „ОК“.
