Украина разви крстосувачки бомби со долг дострел, бидејќи САД и западните сојузници избегнуваат да му дадат одобрение на Киев да го користи нивното оружје со долг дострел за цели во Русија.
Киев пост наведува дека минатиот викенд на неофицијалниот Телеграм на украинските воздухопловни сили, а подоцна и на социјалната мрежа Х (поранешен Твитер), беше објавено видео на кое се прикажува украинскиот тактички бомбардер Су-24 како нешто што се чини дека е нов тип на бомба.
Се вели дека клипот е снимен во текот на минатиот месец.
Во објавата што го придружува видеото се наведува дека овој Су-24 припаѓа на 7-та тактичка авијациска бригада на Украина и дека е снимен од ловец-пресретнувач Су-27УБ кој е дел од 831-та тактичка воздухопловна бригада.
Врз основа на видеото, се чини дека на „немата (обична) бомба“ била прикачена опрема од три дела која ја претворила во оружје што може да се насочи прецизно кон целта.
На нејзиниот крај има крстовиден дел од опашката со отвор што укажува дека таму се наоѓа секундарен турбо или ракетен погонски систем.
Во средишниот дел на врвот на бомбата има централно „ребро“ и околу него метални ленти, што е типично за механизам кој овозможува да излетаат скриените крила, со кои бомбата крстосува во воздух и се „лизга“ кон целта.
Предниот дел или „носот“ на оваа пловна бомба треба да содржи систем за наведување кој веројатно се состои од комбиниран GPS и инертен систем.
Се вели дека веројатно не е случајно што оваа бомба наликува на францускиот AASM Hammer.
Украинското воено воздухопловство прими многу од тие француски бомби, како и нивните американски JDAM-ER варијанти.
Се вели дека крилјата што излегуваат од додаток на обична бомба драматично го зголемуваат дострелот на ова оружје.
Украинските авиони летаат што е можно пониско за да ја избегнат руската противвоздушна одбрана, пред да „скокнат“ за да исфрлат обична бомба од што е можно поголема височина, а оваа опција за лизгање овозможува и акција на мала височина благодарение на погонскиот систем, кој дури и во тој случај го зголемува опсегот.
„Киев пост“ потсетува дека Украина развила и почнала да користи беспилотни летала камикази Paljanitsy со млазен погон на бојното поле, а нивниот мотор би можел да биде основен елемент на погонот на оваа пловна бомба.
Се наведува дека ова ново украинско оружје би можело да го носат и украинските повеќенаменски борбени авиони МиГ-29 и Су-27 кои веќе ги лансираат западните JDAM-ER и AASM Hammer.
Во блиска иднина, новите украински бомби би можеле да бидат истрелани и од борбени авиони Ф-16 добиени од западните сојузници.
