Иако Серена Вилијамс е добра пријателка со Меган Маркл, се чини дека Венус Вилијамс не е обожавателка на нејзиниот сопруг, принцот Хари.
Пред неколку дена во Лос Анџелес се одржа доделувањето на наградите ESPY за 2024 година, на кое присуствуваа голем број познати личности. Меѓу нив, како што обично се случува кога се во прашање, големо внимание привлекоа принцот Хари и Меган Маркл.
Принцот Хари бил добитник на ова престижно признание во театарот Долби, но не секој детаљ бил толку гламурозен за нив.
Најпрвин, и покрај големиот успех, на Хари и Меган не им се допадна шегата на пријателката на Меган, познатата тенисерка Серена Вилијамс, но она што го направи нејзината сестра Венус веројатно уште помалку им се допаднало.
Имено, на социјалните мрежи се шират бројни коментари дека Венус Вилијамс, исто така една од ветеранките на женскиот тенис, целосно го игнорирала принцот Хари на доделувањето на наградите.
На „Х“ се коментира како 44-годишната тенисерка одбила да стане или да му аплаудира на Хари кога ја примил наградата „Pat Tillman“ на гламурозната церемонија во Лос Анџелес.
Војводата од Сасекс радосно ја примил неговата награда, а додека неговата сопруга и многу луѓе од публиката срдечно му аплаудирале, Венус останала на своето место без ниту еден обид за аплауз, како што се гледа на видеото кое се шири на интернет.
Од друга страна, многумина тврдат дека Венус исто така го гледала парот „под око“ и дека е „кристално јасно дека не ги сака“.
Сепак, некои тврдат дека токму Хари и Меган се тие кои ја игнорирале Венус.
Познатo е дека сестрата на Венус, Серена, е пријателка на Меган и беше на венчавката на парот во 2018 година.
Како што напиша Марк Хочкинсон во биографијата за Серена, пријателството меѓу војвотката и тенисерката се развило преку „чести телефонски повици и пораки“, а откако таа му станала девојка на Хари, Серена ја советувала Меган како да се справува со папараците и медиумите и ја советувала „да престане да биде толку фина“.
Не е познато зошто Венус се однесува вака кон нив, но не постои друг знак на поврзаност на тенисерката со парот, освен нивното пријателство со нејзината сестра.
