[ФОТО] Хрватската поранешна претседателка носи морнарски фустан во Вашингтон, а истиот модел го обожува и Кејт Мидлтон: Постојано го копира стилот на принцезата и „докторирала“ деловна елеганција

И по завршувањето на нејзиниот мандат, 56-годишна Грабар-Китаровиќ остана присутна во политичкиот и јавниот живот на Хрватска, а и денес продолжува да ги полни страниците на печатот со своите убави модни комбинации.

Неодамна на својот Фејсбук-профил Колинда Грабар-Китаровиќ сподели фотографии од јавниот форум на НАТО во Вашингтон, на кој и самата присуствуваше.

За оваа деловна пригода таа избра едноставно, но софистицирано издание со кое не можете да погрешите. Со оглед на тоа што Колинда претходните години избираше парчиња инспирирани од стилот на британската принцеза Кејт Мидлтон, како и од поранешната прва дама на САД Меланија Трамп, не чуди што и сега прибегнала кон тој моден рецепт.

Познатата Хрватка се определила за нов модел на фустан од лондонскиот бренд „Еделин Ли“, а и претходно носела парчиња со нивниот потпис. Интересно е што пред неколку недели носеше нивна тоалета од смарагдно зелена лелеава ткаенина, а ист таков фустан носеше британската принцеза Кејт Мидлтон во мај 2022 година при посетата на Музејот на дизајн во Лондон.

Но, парчето што таа го носеше сега чини 1.400 евра и сè уште е достапно во веб продавницата на споменатата модна куќа, а се работи за тегет фустан во миди должина со впечатливи бели копчиња и ремен кој ја истакнува половината.

Морнарскиот изглед го надополнила со бели чевли со панделки со потпис на Салваторе Ферагамо, успевајќи да изгледа класично, но и шик.

Колинда во една пригода носеше сличен аутфит како поранешната прва дама на САД, Меланија Трамп, во небесно сина боја.