Според него, во текот на долгогодишните истражувања, откриено е дека модерниот начин на живот, кој вклучува седење по цел ден и консумирање заситени масти, може да придонесе за зголемување на стапката на рак.

Овие четири работи може да ги намалат ризиците, а самиот лекар ги применува овие правила:

Мени коешто се базира на медитеранската исхрана

Онкологот не следи строга диета, туку практикува пристап „сè во умерени количини“, а следи и медитеранска исхрана, која вклучува многу овошје и зеленчук, цели зрна, здрави масти и немасни протеини како риба. Тој, исто така, консумира ограничени количини црвено месо, алкохол и преработена храна.

Д-р Ландау рече дека медитеранската исхрана е здрава за срцето, а истражувањата ја поврзуваат со намален ризик од срцев и мозочен удар. Диететичарот Тејал Парек неодамна откри дека здравата исхрана може да помогне да се спречи ракот.

Тој вежба секој ден

Поради познатата врска помеѓу седентарен начин на живот и зголемениот ризик од развој на одредени видови на рак, д-р Ландау се обидува да вежба најмалку 30 до 60 минути секој ден. Тој прави тренинзи со тегови и кардиоваскуларни тренинзи бидејќи верува дека и двете се корисни за превенција од рак „се додека го зголемуваме пулсот во мирување“.

Студија од 2022 година објавена во Британскиот весник за спортска медицина покажа дека само 30 минути вежбање со тежина може да го намали ризикот од смрт од рак, срцеви заболувања и дијабетес.

Истражувачите од Универзитетот во Гетеборг во студија од 2023 година открија дека доброто ниво на кардио фитнес на млада возраст може да го намали ризикот од развој на одредени видови на рак подоцна во животот до 42 проценти.

Тој не консумира суплементи во исхраната

Ландау рече дека иако неколку студии покажале дека куркумата, зелениот чај и витаминот Д може да бидат корисни за превенција од рак, но дека треба да се направат повеќе истражувања за дефинитивно да се докаже дека секој додаток во исхраната може да го спречи ракот.

Ландау не зема други додатоци освен протеински прав после „напорно вежбање“. „Верувам дека најдобар извор на хранливи материи е храната што ја јадеме, а не суплементите што ги земаме“, рече тој.

Тој не пуши цигари

„Постои силна врска помеѓу пушењето и развојот на рак на белите дробови или мочниот меур“, рече Ландау.

Девет од десет смртни случаи од рак на белите дробови се предизвикани од пушење цигари или пасивна изложеност на чад, истакнаа од Центрите за контрола и превенција на болести.