Погачиците со сирење се многу едноставно и вкусно пециво. Овој рецепт е многу сличен на британското пециво наречено „scone“, но тоа најчесто се прави во слатка варијанта.
Потребни состојки:
- 300 гр. брашно
- една кесичка прашок за пециво
- една кафена лажичка сол
- 250 мл. обичен јогурт
- 200 гр. рендано сирење
Подготовка:
За почеток измешајте го брашното и прашокот за пециво, па додадете 150 грама рендано сирење и јогурт. Месете го тестото додека не добиете хомогена смеса. Тестото ставете го на набрашнета површина и расукајте го на дебелина од 2 центиметри.
Обликувајте ги погачиците со помош на калап или чаша. Вклучете ја рерната на 180 степени. Додека се загрева рерната, обложете ја тавата со хартија за печење и наредете ги погачиците врз неа. Врз нив ставете го остатокот од сирењето. Печете ги погачиците во рерна околу 15-20 минути или додека не поруменат.
