Според германскиот закон, помлади од 18 години не смеат да работат по 20 часот, постои исклучок за спортисти, но тој важи само до 23 часот.
Во модерниот фудбал има се повеќе тинејџери кои иако се многу млади, сепак играат за своите репрезентации, а еден од таквите е Ламине Јамал, шпански 16-годишен фудбалер кој настапува на ова Европско првенство.
Шпанското чудо од дете е редок пример за таква зрелост, но ако неговата репрезентација треба да игра продолжетоци на турнирот, годините би можеле да го чинат.
Попрецизно, Шпанија би можела да биде казнета според германските закони ако Јамал „работи“ после 23 часот. Според тамошниот закон, помладите од 18 години не смеат да работат по 20 часот, а тој важи и за странци кои работат во Германија.
Сепак, постои исклучок за спортисти, на кои им е дозволено да работат до 23 часот, но и тоа би можело да биде премалку бидејќи тоа вклучува играње фудбал, па туширање, па давање интервјуа, па шпанскиот селектор би морал да ги извади Јамал од игра пред 23 часот доколку неговата селекција игра продолженија.
Дури и за натпреварите кои почнуваат во 21 часот, тој временски рок тешко може да биде пробиен, но доколку Шпанците мора да играат продолженија или да шутираат пенали во нокаут фазата на ЕВРО, Јамал ќе мора да излезе од игра.
Правниот експерт Штефан Граф вели дека кршењето на законот нема да има спортски последици, односно доколку Јамал игра после 23 часот нема да биде суспендиран, но Федерацијата ќе мора да плати износ од 30.000 евра. Сепак, Граф додава дека Германија веројатно ќе го прости тој „престап“.
