Банана-лебот во светот е познат како „banana bread“, а е вид на сладок леб направен од банана којшто се служи како десерт и тешко кој може да му одолее.

Состојки:

- 3 зрели банани со средна големина;
- 2 шолји овесни снегулки;
- ½ шолја какао;
- ¼ шолја мед;
- 2 јајца;
- 1 ќесичка екстракт од ванила;
- 1 ќесичка прашок за печиво;
- ¼ шолја ладна вода;
- 1 шолја чоколадни трошки.

Подготовка:

1. Вклучете ја рерната на 180 степени Целзиусови и подмачкајте го плехот за печење.

2. Во блендер ставете ги овесните снегулки и блендирајте, додадете вода, какао, мед и јајца.

3. Потоа додадете го прашокот за печиво и ситно исечканата банана, па блендирајте додека смесата не се соедини. Додадете ги чоколадните трошки и измешајте.

4. Ставете ја смесата во плех за печење којшто може да се обложи со хартија за печење, па украсете по желба.

5. Печете 35-40 минути.

6. Оставете го лебот во рерна да се излади, па послужете на парчиња.

На здравје!