Се разведуваат Џенифер Лопез и Бен Афлек? Актерот наводно веќе се иселил од семејниот дом, извор тврди: „Немаше шанси ова да потрае“

Точка

16/05/2024

14:00

5.150

Големина на фонт

а а а

Светот на шоубизнисот го потресе веста за наводниот развод на еден од најпопуларните славни парови.

„Готово е, тие се разведуваат и овој пат не треба да се обвинува Бен за тоа“, вели инсајдер за „In Touch“.

Фановите веќе забележаа дека Бен и Џенифер со недели не поминуваат време заедно. Актерот не присуствуваше на Мет Галата со сопругата на 6-ти мај, и покрај нејзината важна позиција на овој настан. Официјалниот изговор на Бен за отсуството на Мет Галата беше дека бил зафатен со снимањето на филмот „The Accountant 2“, но изворот за „In Touch“ тврди дека тој одлучил да се раздели со славната пејачка.


„Сега тој е фокусиран на работата и неговите деца. Бен веќе се исели и веројатно ќе ја продаде нивната куќа од соништата, која ја бараа цели две години. Тие никогаш нема да престанат да се сакаат, но таа не може да го контролира него и тој не може да ја промени неа. Немаше шанси ова да потрае“, тврди изворот.

Парот, кој веќе еднаш беше во врска пред да ја прекине свршувачката во 2003 година, претходно имаше проблеми во врската бидејќи двајцата се справуваа со славата на различни начини. Џенифер многу подобро го поднесуваше медиумското внимание, додека Бен секогаш бегаше од него. Пејачката во документарниот филм „The Greatest Love Story Never Told“ откри и дека тешко го поднесуваат вниманието на јавноста и дека таму мора да прават компромиси.


„Мислам дека на Бен не му е пријатно да го правам ова, но не може да ме спречи“, изјави тогаш Џенифер.

„Бен никогаш не сакаше да ги уништи соништата на Џенифер или да ѝ каже дека не може да направи нешто што ќе ѝ помогне во кариерата, иако таа прилично сака да контролира“, тврди изворот.

За жал, се чини дека постигнувањето компромис било потешко отколку што мислеле...

„Тие чекаа речиси две децении за повторно да бидат заедно, но на крајот едноставно не им успеа“, тврди изворот, додавајќи: „И двајцата рекоа дека созреале и научиле од своите грешки, но некои од поголемите проблеми поради кои првиот пат се разделија останаа исти“.



Спонзорирани линкови

Маркетинг