Огромно внимание на социјалните мрежи привлече огласот на еден Србин од Нови Сад кој го продава својот 44-годишен „стокец“ и тврди дека никогаш не возел по патиштата - за неверојатни 10.000 евра.
Коментарите на корисниците се различни.
Не помина долго, а веќе се појавија „теории на заговор“ зошто „стокецот“ никогаш не бил возен.
„Размислувам зошто некој би купил возило без да го вози? Особено Србин. Не држи вода. Не би купиле сега автомобил од салон и засекогаш да го чувате во гаража“, напишал еден Србин кој се вклучил во дискусијата.
Други се потсетиле на нивните семејни автомобили од минатото, како „жолтиот стокец“ кој бил семеен миленик.
Ima neko da mi pokloni 10k evra?
— Željko Veljković (@novinarupenziji) April 8, 2024
Hvala unapred dobri ljudi. pic.twitter.com/2j4dDSeBWy
Меѓу корисниците има и такви кои на шега зборуваат за искуствата со „Застава“ од минатото, посочувајќи дека тие автомобили имале своја посебна приказна, но не и висока механичка или каросериска вредност.
Иако некои изразиле сомнеж за функционалноста на автомобилот по толку години неактивност, повеќето коментатори го доживеале огласот како временска машина која ги врати во времето и ги потсети на убавите времиња поминати со нивните семејства.
Јасно е дека носталгијата и сентименталната вредност имаа поголемо влијание врз повеќето корисници отколку објективната цена или состојба на автомобилот.
