Најмалку две лица, за кои се верува дека се синови на Комбс, се уапсени во текот на претресот на домот на раперот во населбата Холмби Холс во Лос Анџелес. Пи Диди не бил присутен додека се вршеле претресите. Агентите на самото место биле вооружени со „долги цевки“.

Комбс е осомничен дека се занимавал со трговија на луѓе со цел сексуална експлоатација, а овие пребарувања се дел од напорите на органите за спроведување на законот да утврдат дали обвиненијата се точни.

Комбс се нашол во центарот на вниманието кога неговата поранешна партнерка Кеси Вентура кон средината на ноември 2023-та година го обвинила за силување, трговија со луѓе поради сексуална експлоатација и физичко злоставување.

Изгледа дека тужбата исто така сугерира дека Комбс е одговорен за експлозијата на автомобилот на поранешното момче на Вентура, Скот Кид Куди Мескуди. Вентура и Комбс се спогодиле на 17-ти ноември и тужбата отфрлена. Вентура тврдела дека Комбс дивјачки ја тепал и ја терал да учествува во оргии.

Двете нови обвиненија против Комбс се поднесени во американските судови на 23-ти ноември 2023-та. Двете лица наведуваат дека Комбс сексуално ги нападнал и дистрибуирал сексуално експлицитен материјал без нивна дозвола. Во една тужба се наведува дека Комбс и американскиот пејач Арон Хол сексуално нападнале жена во 1990-та и 1991-ва година и дека Комбс го снимал злоставувањето.

Обвиненија за силување

Една жена на 6-ти декември 2023-та година во тужба која ја поднела во судот во Њујорк тврдела дека Комбс ја силувал кога имала 17 години и дека тоа се случило во 2003-та година.

Во тужбата се наведува дека Комбс на жената и давал обилни количини на дрога и алкохолни пијалаци и дека Диди и уште двајца мажи наизменично ја силувале. Во еден момент тој седел и гледал како неговите соработници ја задушуваат и силуваат.

Жената наведува дека во текот на силувањето повремено губела свест и дека се здобила со повреди по кои одвај стоела на нозе. Жената рекла и дека не памти како пристигнала дома.

Комбс ги негирал обвиненијата и рекол дека жената сакала брзо да заработи пари.

Американскиот музички продуцент Родни Лил Род Џонс во февруари 2024-та година рекол дека Комбс го дрогирал и сексуално го злоставувал и го терал да има секс со сексуални работници.

Комбс се соочува и со обвиненија за „секстинг“. Во мај 2017-та, неговата поранешна приватна готвачка Синди Руела го тужела раперот за сексуално злоставување и одмазда.