Американската министерка за финансии Џенет Јелен во вторникот пред состанокот на министрите за финансии и гувернерите на членките групата Г20 дека во целост го поддржува „важниот прв чекор“ на ЕУ и насочување на приходите од замрзнатиот имот во обновата на Украина, но дека на тоа не треба да се застане.

„Правна основа не е доволна! Потребен е широк меѓународен консензус“

„Иако треба да повлекуваме потези заедно и промислено, сметам дека со силни меѓународно-правни, економски и морални аргументи може да се каже дека не треба да сопреме на тоа“, изјавила Јелен.

Тие аргументи зборуваат во прилог на монетизација на рускиот имот, рекла Јелен, заклучувајќи дека тој потег ја оправдува теоријата за противмерки.

На прашањето на новинарите што мисли за таа теорија, францускиот министер рекол дека не се согласува со американската колешка.

„Сметаме дека таа правна основа не е доволна“, изјавил Ле Мар. Потребен е широк меѓународен консензус, додал тој.

ЕУ веќе направила значаен чекор

„Таа правна основа треба да ја прифатат не само европските земјите и земјите од Г7, туку сите држави членки на светската заедница. Мислам притоа на сите членки на Г20. Не треба да правиме нови поделби меѓу членките на Г20“, нагласил францускиот службеник.

Покрај САД, Јапонија и Канада, групата Г20 ги опфаќа и Бразил, Русија и Кина, потсетува „Reuters“.

ЕУ веќе направи значаен чекор со планот за заплена на приходите од замрзнатиот имот, рекол Ле Мер, а неговото мислење го дели и германскиот министер за финансии Кристијан Линднер.

Службениците на групата Г7, која ги опфаќа најразвиените светски економии, веќе со години се обидуваат да договорат план за употреба на 300 милијарди долари замрзнат руски имот за обнова на Украина. Лидерите на Г7 побарале можни решенија до јуни.

Околу 200 милијарди долари се блокирани на сметки во Европа, во главно во белгиската клириншка куќа „Euroclear“.

Ставовите не конфликтни, рекол за новинарите по состанокот на министрите на членките на Г7 заменик јапонскиот министер за финансии за меѓународни работи Масата Канда.

„Продолжуваме со расправата зад затворени врати кон заедничката цел, а тоа е потрага за мерки кои се во склад со меѓународните закони“, рекол јапонскиот службеник.

Што ќе биде со рускиот имот?

Канада се согласува со мислењето на САД дека би требало итно да се направи нов чекор во процесот со запленетиот руски имот за да ѝ се помогне на Украина, изјавила во вторникот министерката за Финансии Кристија Фриленд.

Јапонскиот службеник не сакал да го прецизира ставот на Токио, велејќи дека предлогот за заплена на приходите од замрзнатите имоти веројатно ќе го поддржи групата Г7 и пошироката меѓународна заедница.

Некои Европски службеници предупредиле дека заплената на рускиот имот би наштетил на статусот на светски резервни валути кои го имаат доларот, еврото и јенот, нагласува „Reuters“.

Британскиот премиер Риши Сунак напишал прилог за неделното издание на „Times“ дека западните држави би требало да бидат похрабри при конфискацијата на рускиот имот.

„Мораме похрабро да удриме на руската воена економија … И мораме да бидеме похрабри во заплената на стотина милијарди вредните замрзнати руски имоти“, смета британскиот премиер.

Заплена на мала врата

Извршната директорка на „Euroclear“ кон средината на февруари во разговор за „The Financial Times“ предупреди дека употребата на рускиот имот за колатерал всушност била „заплена на мала врата“.

„Употреба на имот кој не ви припаѓа за колатерал е прилично блиски до индиректна заплена или обврска за заплена во иднина, што би можело да има сосема исти ефекти на пазарот како и директната заплена“, нагласила Лиев Мостри.

И директна и индиректна заплена би можеле да ги изложат „Euroclear“ на тужба, нагласила „Mostrey“.

„ЕУ не може да го спаси „Euroclear“, предупредил неименуван висок службеник кон крајот на февруари“. „"Euroclear“ управува со милијарди и неговиот банкрот за многу ќе го надмине буџетот на ЕУ. Мораме да ги урамнотежиме ризикот и добивката“, додал тој.