Украина е во тешка ситуација

Причината за таквото верување се базира на повеќе причини, а една од поважните моментално е состојбата на бојното поле во Украина. Повеќето аналитичари се согласуваат дека Украина е во тешка ситуација. Не е јасно што ќе биде со помошта од Западот, при што е важно да се истакне и можноста дека Доналд Трамп – кој не е склон кон финансирање на војната во Украина, туку ја следи доктрината Америка на прво место – да го наследи Бајден, пишува Ведран Салвиа за „Index.hr“.

Додека околу овие клучни ставки владее неизвесност, руските сили ги напаѓаат украинските позиции од повеќе страни истовремено, од кои треба да се издвојат нападите на Авдивка, на 15 километри северно од окупираниот Доњецк.

Украина го промени и врховниот командант на војската. Претседателот Володимир Зеленски го смени Валериј Залужни, а на негово место го постави генерал Олександр Сирски.

I met with General Valerii Zaluzhnyi.
I thanked him for the two years of defending Ukraine.
We discussed the renewal that the Armed Forces of Ukraine require.
We also discussed who could be part of the renewed leadership of the Armed Forces of Ukraine.
The time for such a renewal… pic.twitter.com/tMnUEZ3BCX

— Volodymyr Zelenskyy / Володимир Зеленський (@ZelenskyyUa) February 8, 2024

Трамп внесе раздор во НАТО

Воениот експерт на Минхенската конференција за безбедност Нико Ланге за германскиот јавен сервис „ZDF“ рекол дека под командата на Олександр сириски тежиштето оваа година повеќе ќе биде на силна одбрана, додавајќи дека Украина моментално не е способна да предводи сложени офанзивни операции, туку мора на исток да се брани со инфериорни ресурси.

Наведеното, со фактот дека украинската контраофанзива минатата есен доживеа фијаско, упатува на заклучок дека Украина моментално е инфериорна во овој судир.

Трамп внесе значаен раздор во НАТО кога изјави дека САД нема да им помогне на оние земји кои не издвојуваат два проценти од својот БДП за одбрана и охрабрил напад на тие членки. Тоа предизвикало бес кај државите членки на Алијансата, но и ја актуелизирало темата за американско повлекување од НАТО која Трамп со години ја повлекува.

Кои земји би биле на удар? Ако гледаме надвор од НАТО земјите, често се споменуваат Молдавија и Грузија. Во Молдавија, која исто така се носи со сепаратистички бунт на истокот на земјата, распоредени се вкупно 1.500 руски војници.

Францускиот министер за надворешни работи Жан Ив Ле Дриан уште во 2022-ра година зборуваше за таа можност.

„Војната на Владимир Путин би можела да се прошири на тие две поранешни советски републики, кои имаат сепаратистички територии кои се завртени кон Москва“, рекол Ле Дриан.

Дури и се зборувало за напад на Финска и Шведска. По нападот на Русија на Украина, Финска и Шведска побрзаа во НАТО. Финска веќе влезе во Сојузот, додека се очекува и влегување на Шведска, чија кандидатура привремено е блокирана поради реакциите на Турција, а сега се чека уште само зелено светло од Унгарија.

Се градат бункери на Балтикот

Шефот на естонската надворешна разузнавачка служба Каупо Росин порачал дека Русија се подготвува за воен судир со Западот во следната деценија и би можела да биде одвратена со групирање на големи вооружени сили.

„Европа има меѓу три и пет години да се подготви за тоа дека Кремљ ќе стане сериозна воена закана за земјите во источното крило на НАТО“, рекла естонската премиерка Каја Калас за „The Times“.

Министрите за одбрана на Летонија, Литванија и Естонија во јануари се договорија околу новиот план за изградба на голема мрежа на одбрана за да ја одвратат и поразат руската војска во случај на напад. Со оглед на тоа дека границата меѓу Естонија и Русија се протега 338 километри, од кои поголемиот дел е речиси непрооден бидејќи е шума и мочуришта, службениците на таа земја планираат изградба на околу 600 бункери.

Опасност гледаат и во Полска. „Politico“ уште во 2022-ра година пишуваше дека Полска е на пат да стане најголема воена сила во Европа. Варшава тогаш порача дека вложувањата во Полска ќе ги зголеми од 2.4 на 5 проценти.

Загрижена е и Германија

Неодамна е обелоденето дека Полска сака да поседува нуклеарно оружје поради безбедност и како мерка за одвраќање. Полскиот генерал Јарослав Крашевски изјави дека „оние кои поседуваат нуклеарна способност“ имаат многу високо ниво на безбедност. Навел и дека на Западна Европа и доста од руското заплашување, опишувајќи ја Москва како непредвидлив сосед.

Потсетуваме и дека полскиот министер за надворешни работи Радослав Сикорски изјави дека Европа не ја сфатила доволно сериозно руската закана, додавајќи дека Берлин е во досегот на руските проектили.

На опасноста предупредува и германскиот министер за одбрана Борис Писториус. „Речиси секој ден слушаме закани од Кремљ … Мораме да земеме предвид дека Владимир Путин еден ден би можел дури и да нападне земја на НАТО“, рекол Писториус за „Der Tagesspiegel“.

Писториус во Сараево предупреди и на опасноста која за Западен Балкан ја претставува влијанието на Русија. И генералот Карстен Бреуер, шеф на германските вооружени сили, за германските медиуми рекол дека постои опасност од руска агресија на Германија. Предупредил дека Германија мора да биде подготвена на можноста за водење на одбранбена војна, додавајќи: „Еден ден можеби ќе мора да ја браниме нашата земја“.

Дали е НАТО подготвен за руска инвазија?

Новиот број на „The Spectator“ носи анализа која се занимава со темата дали е НАТО подготвен за руска инвазија. Во статијата потсетуваат дека во НАТО вежбите во Естонија моментално учествуваат британски, француски, американски и естонски војници.

Тоа е подготовка за можна инвазија на Русија. Во статијата се споменува дека членките на НАТО немаат опрема за борба против Русија. Балтикот, на пример, нема ракетни системи за заштита на својот воздушен простор.

„Противвоздушната одбрана е дадена во Украина во толку големи количини и очигледно е дека постои празнина во нашите способности“, вели естонскиот министер за одбрана Хано Певкур. Во текстот се додава дека резервите во Европа се ниски бидејќи одбранбената индустрија не произведува доволно.

„Европските војски сега имаат супер софистицирани топнички гранати кои можат да изведуваат секакви неверојатни маневри, но понекогаш се потребни големи количини од поосновните работи“, рекол за „The Spectator“ еден службеник на НАТО.

Некои во НАТО не веруваат дека ќе дојде до судир

Службениците на НАТО се жалат дека европските влади биле пребавни во потпишувањето на договорот за вооружување и дека предолго се обидувале евтино да го водат министерството за одбрана. Многу службеници на НАТО не веруваат дека ќе дојде до судир со Русија.

„Не сум сигурен дека ќе имаме војна“, вели поранешниот врховен командант на сојузничките сили Филип Бридлов. Последниот британски главен секретар на НАТО, Џорџ Робертсон вели: „Не верувам дека Путин има желба да ја мине цртата на членот 5“. Робертсон смета дека е поверојатно Русија да ги нападне Грузија и Молдавија.