Актерката Меган Фокс неодамна за странските медиуми откри дека често има потреба да оди гола на црвениот тепих.
„Морам да бидам гола тој ден“, рекла таа, пренесува Дејли мејл.
Оваа изјава не е невообичаена за актерката, бидејќи во минатото имавме можност да ја видиме во неколку разголени модни изданија. Иако навидум изгледа како да сака да покрие одредени делови од телото, нејзината намера е сепак јасна - да покаже што повеќе и да ја заскокотка фантазијата.
Пример за таков моден избор видовме во 2021 година, кога на доделувањето на музичките награди „MTV“ се појави во фустан кој го откриваше секој дел од нејзиното тело.
На црвениот тепих прошета во придружба на нејзиниот вереник - раперот Машин Ган Кели, кој го обожава секое нејзино издание.
