Ништо без чоколадо! Затоа ви пренесуваме брз и елегантен рецепт за торта која е идеална за попладневно релаксирање со шолја кафе. А сите знаеме дека таквите торти се најубави!
Списокот на состојки за оваа торта е навистина краток, времето за подготовка е само половина час, а секој залак е незаборавно чоколадно искуство!
Најважниот совет е да користите чоколадо со висок процент на какао (70% или повеќе) и да послужите со шлаг, топка сладолед или добро изладен крем од цитрус или ванила.
Потребни намирници
170 гр темно чоколадо;
80 гр путер;
4 јајца;
100 гр шеќер;
30 гр мелени бадеми;
Прстофат сол.
Подготовка
Загрејте ја рерната на 180 степени и премачкајте го калапот со путер. Чоколадото искршете го на парчиња и стопете го на пареа со путер и малку сол.
Јајцата се матат со шеќер додека не се формира пена. Двете смеси лесно соединете ги со помош на лажица. Мелените бадеми просејте ги и измешајте ги, па продолжете да мешате со дрвена лажица. Прелијте го тестото во калапот и печете 15-20 минути, додека површината не стане цврста и флексибилна.
Извадете ја тортата од рерна и почекајте да се излади, па извадете ја од калапот.
Декорирајте со шеќер во прав, какао или нешто друго по желба и послужете!
Уживајте!
