Пејачот Петар Грашо е еден од најомилените изведувачи во целиот регион, а неговите балади ги обожуваме веќе долги години. Покрај музичката кариера, во фокусот е и неговиот љубовен живот, а познато е дека Грашо е во брак со убавата Хана Хуљиќ Грашо, со која во 2022 година ја добија ќерката Алба.
Хана е ќерка на Тончи Хуљиќ, а неговиот однос со Грашо е повеќе од интересен, бидејќи и двајцата биле пријатели и колеги пред Петар да се ожени со Хана.
Петар Грашо и Тончи Хуљиќ откриле неколку интересни факти за нивниот однос во најновата епизода на „Knjazališta“, автор и водител Роберт Књаз.
Имено, во емисијата гостувал Петар Грашо, но во неколку наврати се појавил и неговиот „дедо“, Тончи Хуљиќ.
Хуљиќ во еден момент од емисијата открил и како сфатил дека Грашо ја завел неговата ќерка Хана, со која сега е во брак и ја има ќерката Алба, со што Тончи станал дедо за првпат.
„Сфатив дека нешто се случува меѓу него и ќерка ми кога тој повеќе немаше никакви замерки. Доаѓаме во студио, снимаме песна и нему сè му е океј. Секојпат се согласува со мене, нема проблеми, разговорите течат нормално. Мислев дека нешто не е во ред со него. Да, тој мора да оди на лекар. Мислев дека е болен“, изјавил Тончи Хуљиќ.
Тончи Хуљиќ и Петар Грашо зборувале за нивниот однос, а нивното меѓусебно „боцкање“ на публиката е секогаш интересно.
„Каков е Тончи како „дедо“? Јас сум му нему одличен, а тој за мене очаен“, се шегувал Петар и додал: „Додека готвам ме навредува дека дефинитивно тоа нема да биде добро, а кога ќе биде готово, ќе изеде и испие сè – па вие сега проценете кој кому е подобар“, изјавил Грашо за „Ин Магазин“.
На сметка на Петар се пошегувал и Тончи.
„Тој е лош пример за сите сопрузи, човекот е толку брилијантен во домот, што сите пријатели кои ги одведов таму со нивните сопруги ми рекоа да не ги носам повеќе, како не би го гледале тоа повторно. Човекот толку добро готви, тоа е неверојатно. Така да јас немам што да го советувам, а нема ништо полошо од тоа кога бабите и дедовците премногу се плеткаат, плеткај се онолку колку ќе те замолат“, своевремено зборувал Тончи.
