Се разбира дека никој не сака замрзнување или студен туш во есенските и зимските денови, кога температурите паѓаат. Но, експертите во повеќе баврати уверуваат дека редовното туширање со ладна вода всушност може да го подобри вашето целокупно здравје и убавина.
Една докторка, која на Инстаграм секојдневно споделува совети за здравјето, во своето видео објаснува кои се придобивките од ладната вода за нашето тело кога станува збор за туширањето.
Д-р Пунам Десаи сугерира дека само 11 минути неделно изложување на ладна вода може да го подобри производството на колаген, што пак ќе ги намали брчките, ќе го намали нивото на стрес, воспалителните процеси, па дури и можеби ќе го подобри сонот.
Докторката препорачува туширање со поладна вода со вкупно времетраење од 11 минути неделно, велејќи дека тие треба да се поделат на три сесии од по две до три минути, за да не биде премногу стресно за телото, пренесува „Мирор“.
