Токму затоа треба да направите домашен ликер од рози кој ќе ве освои со својот вкус. Имено, се препорачува розите да бидат домашни, добро да мирисаат, особено оние постарите кои се наоѓаат во дворовите.

За ликер од рози потребно е:

- 300 грама мед;
- 300 грама рози;
- 1 литар ракија;
- 5 децилитри вода.

Подготовка:

Во зовриена вода додадете мед, а кога ќе се стопи садот тргнете го од оган. Додадете ги розите и покријте го садот.

По 10 минути исцедете ја течноста низ газа, па додадете ја ракијата. Розите можете да ги чувате малку повеќе, доколку сакате поинтензивен мирис. Добро затворете го садот и чувајте го на темно место околу еден месец.