Замислете ја таа агонија човекот кој го обожавате да се заљуби во друга жена. А како сте го забележале тоа?
Постојано зборува за неа, таа е актер на речиси секоја втора приказна, а додека зборува за неа, очите му блескаат. Додека животот ви се претвора во кошмар, тој негира сè, велејќи дека сте „луди“, дека си замислувате и дека не е заљубен во неа. Но, вие најдобро го познавате вашиот човек, зарем не?
Безнадежна љубов кон друг
Се поставува прашањето: зошто некому е потребно да сака безнадежно некој друг? Вие паѓате во замка и чувствувате сожалување кон човекот кој го сакате, бидејќи е заљубен во некој кој од него прави будала.
Жал ви е што некој толку го понижува и игнорира. Ќе се обидете да му дадете до знаење дека прави будала од себе со таквото однесување, за на крајот да завршите во експлозивна расправија со мажот кој станува агресивен кога ќе го соочите со вистината.
Вие некако ќе ја започнете табу темата. Ако молчевте за тоа, ништо не би се случило.
Но, дали вреди да продолжите да играте улога во овој театар на апсурдот? Тој ја негира својата заљубеност. Таа друга жена го „влече“ за нос. Вие чувствувате длабоко изневерување од вашиот партнер, кој ве убедува дека ништо не се случува и дека сето тоа сте го измислиле.
Советот на психолозите е без оглед на сè, да бегате од оваа ситуација, бидејќи човек не се менува туку-така. Љубовта на вашиот сопруг кон друга жена не може да исчезне преку ноќ.
Зошто треба да живеете во таа нездрава врска? Зошто да страдате и да гледате како некој што го обожавате не ве сака?
Затоа, ако видите дека вашиот сопруг се заљубил во друга жена, оставете го - затоа што ако го оставите ќе страдате во тој период, а ако останете со него ќе страдате цел живот!
Денес
