Холивудските актери минуваат заедничко време во самоизолација со своите деца, додека носат исти пижами.
Американската актерка Деми Мур и актерот Брус Вилис времето во карантин го минуваат заедно со своето семејство и сите носат исти пижами, па дури и домашните миленици.
Две децении од разводот, Брус Вилис и Деми Мур го градат своето пријателство и многу се посветени на своите деца и семејството..
Актерите уживаат во меѓусебното друштво во самоизолација.
Имено, нивната ќерка Талула на Инстаграм поставила фотографија на која Брус и поранешната сопруга Деми позираат прегрнати по многу години, додека зад нив нивната ќерка Скаут стои со крената нога и широка насмевка.
Момчето на Талула, Дилон Бус, стои на страна и држи мало куче на рамото.
Деми и Брус биле во брак од 1987-ма до 2000-та година и имаат три ќерки. По разводот, Брус и Деми се венчале со своите нови партнери.
Вилис дури и бил присутен на свадбата на Деми Мур со нејзиниот втор, сега веќе поранешен сопруг Ештон Качер во 2005-та година, додека мината година Деми била на обновувањето на заветите на Брус со сопругата Ема Хеминг, со која има две ќерки.
Инаку, додека Брус лудо се забавува во карантин со Деми, сите се прашуваат каде е неговата сегашна сопруга, со која Вилис е во брак од 2009-тата година.
