Составот на Лос Анџелес Лејкерс ја прокнижи деветта победа во низа во НБА лигата и тоа против Кливленд Кавалирс кого го совлада во „Стејплс Центарот“ со 128-99.
„Езерџиите“ беа без Дејвис и Рондо, но без разлика на тоа доминираа против Кавси, а во главна улога беа Леброн Џејмс и Двајт Хауард. „Кралот“ на својот поранешен клуб му даде 31 поен, 2 скокови, 8 асистенции и 1 украдена топка, додека центарот Двајт имаше дабл-дабл учинок од 21 поен и 15 скокови.
Воедно ова беше меч на кој Леброн го мина легендарниот Ајзеа Томас по бројот на асистенции во лигата, односно сега го зазема осмото место на вечната листа.
Congrats to @KingJames of the @Lakers for moving up to 8th on the all-time ASSISTS list! #LakeShow pic.twitter.com/sK0YRLC8pv
— NBA (@NBA) January 14, 2020
Во дербито на Истокот, екипата на Индијана славеше над Филаделфија со 101-95 и поведе со 2-1 во меѓусебните пресметки во оваа сезона.
Домаќините одиграа одлично во вториот дел, направија пресврт и го запишаа 25 сезонски триумф со што во моментов се на 5 позиција во источната конференција, поточно едно место повисоко од 76-ките. Ворен и Брогдон реализира по 21 поен, додека кај поразените Симонс и Ричардсон искомбинираа 47 кошеви.
Резултати:
Детроит – Њу Орлеанс 110:117
Индијана – Филаделфија 101:95
Бостон – Чикаго 113:101
Минесота – Оклахома 104:117
Портланд – Шарлот 115:112
Сакраменто – Орландо 112:114
ЛА Лејкерс – Кливленд 128:99
