Red Dead Redemption 2 конечно пристигнува на PC и имаме и конкретни податоци што е потребно за играње, што ќе нуди играта и колку ќе чини.
Како што веќе пренесовме, Rockstar и официјално потврди дека од идниот месец пристигнува Red Dead Redemption 2 на Rockstar Launcher.
Изненадувачки брзо, од 5-ти ноември сите кои што ќе ја нарачаат Red Dead Redemption 2 ќе може да ја играат со сите нејзини додатоци и опции кои ќе бидат понудени ексклузивно за PC играчите.
Red Dead Redemption 2 за PC пристигнува со унапредена графика, преработени контроли, механика на играње и други подобрувања кои ќе го подигнат квалитетот на игра во однос на верзијата за гејминг конзолите PlayStation 4 и Xbox One.
Доколку ја нарачате Red Dead Redemption 2 најдоцна до 22-ри октомври, како подарок ќе добиете и две игри од овие: Grand Theft Auto III, Grand Theft Auto: Vice City, Grand Theft Auto: San Andreas, Bully: Scholarship Edition, L.A. Noire: The Complete Edition или Max Payne 3: The Complete Edition.
Исто така, сите однапред нарачани Red Dead Redemption 2 игри ќе добијат бесплатен Premium Edition, додека изданијата Special Edition и Ultimate Edition ќе бидат намалени за 20% до 22-ри октомври. Ultimate Edition ќе се продава по цена од 75 евра, а Special Edition по цена од 60 евра.
Каква „машина“ треба да имате за да можете да ја играте Red Dead Redemption 2?
Минимална потребна конфигурација:
Оперативен систем: Windows 7 - Service Pack 1 (6.1.7601)
Процесор: Intel Core i5-2500K / AMD FX-6300
RAM: 8 GB
Графичка карта: Nvidia GeForce GTX 770 2GB / AMD Radeon R9 280 3GB
HDD: 150 GB
Звук: DirectX компатибилна звучна карта
Препорачана конфигурација:
Оперативен систем: Windows 10 - April 2018 Update (v1803)
Процесор: Intel Core i7-4770K / AMD Ryzen 5 1500X
RAM: 12 GB
Графичка карта: Nvidia GeForce GTX 1060 6GB / AMD Radeon RX 480 4GB
HDD: 150 GB
Звук: DirectX компатибилна звучна карта
