Повеќе од 100 пожарникари-спасувачи и вработени во службата за вонредни ситуации во јужна Шпанија, денеска се во потрага по двегодишното дете кое во неделата паднало во тесен и длабок бунар.
Спасувачите не можат да влезат во бунарот, кој е широк едвај 25 сантиметри, а се верува дека е длабок повеќе од 100 метри, пренесува „АР“.
Денеска попладне спасувачите примениле три различни пристапи, за да допрат до дното на бунарот, а притоа да не ја оштетат неговата структура, ниту да го блокираат со земја или камења, соопштиле локалните власти.
Спасувачите наведуваат дека детето паднало во бунарот во неделата попладне, откако се оддалечило од родителите додека си играло во планинската област во близина на градот Тоаталана, североисточно од Малага.
Бунарот кој е премногу тесен за да може во него да влезе возрасен човек, бил ископан пред еден месец, додека се водело истражување за водата, а после тоа не бил покриен ниту заштитен, наведуваат локалните медиуми.
Локалната претставничка на шпанската влада, Марија Гамес, изјавила дека пожарникарите со помош на робот-камера, рано утрово пронашле кесичка со бомбони, која детето ја држело во рацете кога исчезнало. Кесичката е најдена на длабочина од 75 метри, а спасувачите не можеле да ја спуштат опремата пониско.
Портпаролот Бернандо Молто, за шпанската телевизија „TVE“ рекол дека ќе вложат напори и за употреба на модерна опрема, за да може бунарот да се прошири, додека истовремено ќе се ископа посебен тунел, за да може да се влезе во бунарот.
The well is only nine inches in diameter. Rescue teams say they will employ a number of strategies, including digging deeper into the hole and creating a parallel shaft that could be connected with the well https://t.co/rLLXLVIw9I
— CNN International (@cnni) January 14, 2019
На прашањет од новинар - дали се истражуваат и други причини за исчезнувањето на малото дете, Молто рекол дека приоритет на власта ѝ е да се „бара, најде и спаси момчето“.
