Пред почетокот на дводневниот самит на групата на седумте најразвиени земји на светот (Г7) во канадската покраина Квебек, конечно е разјаснето дали американскиот претседател ќе присуствува таму, откако официјално било соопштено дека шефот на Белата куќа ќе дојде во Канада, но дека веќе утре ќе ја напушти и ќе патува за Сингапур.
"AP" наведува дека последните денови Трамп давал лути изјави по повод учеството на самитот, каде лице во лице ќе биде соочен со политичките одлуки кој ги донел. Се наведува дека меѓу американските сојузници имало и шпекулации дека Трамп би можел да го напушти самитот или дека воопшто нема да се појави.
Оваа одлука била соопштена откако Трамп разменувал остри коментари со францускиот претседател Емануел Макрон и премиерот на Канада, Џастин Трудо.
Please tell Prime Minister Trudeau and President Macron that they are charging the U.S. massive tariffs and create non-monetary barriers. The EU trade surplus with the U.S. is $151 Billion, and Canada keeps our farmers and others out. Look forward to seeing them tomorrow.
— Donald J. Trump (@realDonaldTrump) June 7, 2018
Макрон на Твитер напишал коментар во кој се зборува за изјавите на Трамп.
"На американскиот претседател можеби не му пречи тоа што е изолиран, но ни на останатите 6 земји нема да им пречи да потпишат договори ако треба. Затоа што овие шест држави претставуваат вредност, економски пазар и историја и стануваат вистинска меѓународна сила", напишал Макрон.
The American President may not mind being isolated, but neither do we mind signing a 6 country agreement if need be. Because these 6 countries represent values, they represent an economic market which has the weight of history behind it and which is now a true international force https://t.co/UA86fcjozs
— Emmanuel Macron (@EmmanuelMacron) June 7, 2018
Сепак, од Белата куќа доцна вчера дошло соопштение дека Трамп сепак оди во Канада, но дека самитот ќе го напушти на почетокот на вториот ден од заседавањето, по завршувањето на сесиите посветени за зајакнување на жените.
"Претседателот од Канада директно ќе отпатува во Сингапур, каде оди на средбата со лидерот на Северна Кореја, Ким Јонг Ун", навела портпаролката на Белата куќа, Сара Сандерс.
Таа додала дека по заминувањето на Трамп, во Квебек ќе го застапува заменикот помошник за меѓународни економски работи, Еверет Ајсенстат.
"AP" потсетува дека домаќинот на самитот "Г7", Џастин Трудо, американските трговски тарифи за неговата земја ги нарекол навредливи и оценил дека таквата тактика не е начин на кој две држави, кои заедно војувале во Втората светска војна, Кореја и Авганистан, треба да се однесуваат една кон друга.
Администрацијата на Трамп се судрила со Канада и околу нејзиното инсистирање 24 години стариот Северноамерикански договор за слободна трговија, во кој се САД, Канада и Мексико, да биде променет за подобро да им служи на интересите на Вашингтон.
Американската агенција наведува дека Трудо најпрво се воздржувал од критики на сметка на Трамп, надевајќи се дека со него би можел да воспостави личен однос кој би му помогнал да го зачува "NAFTA" договорот, за кој во 1985. година на самитот "Г7" во Квебек преговарале тогашниот премиер на Канада Брајан Малруни и американскиот претседател Роналд Реган.
"AP" додава дека Малруни и Реган брзо воспоставиле пријателски однос и дека на самитот дури и заедно ја испеале "When Irish Eyes Are Smiling".
Претседателот на САД, Доналд Трамп, го обвинил канадскиот премиер Трудо дека е толку огорчен, додека двајцата се подготвуваат за самитот "Г7" кој денес почнува во Квебек.
Prime Minister Trudeau is being so indignant, bringing up the relationship that the U.S. and Canada had over the many years and all sorts of other things...but he doesn’t bring up the fact that they charge us up to 300% on dairy — hurting our Farmers, killing our Agriculture!
— Donald J. Trump (@realDonaldTrump) June 7, 2018
"Reuters" наведува дека централна тема на самитот ќе бидат несогласувањата околу трговските односи.
"Премиерот Трудо е толку огорчен, зборува за односот кој САД и Канада го имале во текот на годините и разни други работи...но не го споменува фактот дека тие нам ни наплаќаат царини од 300 проценти за млеко - тоа им штети на нашите фармери, го убива нашето земјоделство", порачал Трамп вчера преки Твитер.
Групата "Г7" ја сочинуваат Канада, Јапонија, САД, Велика Британија, Италија, Франција и Германија, а на самитот ќе присуствуваат и претставници од ЕУ.
