Експертите одлучија: Кои се 8-те најдобри хотели за 2017. година?

Неодамна, тие објавија листа за најдобрите хотели на годината, а оваа ласкава титула ѝ припадна на хотелот “Palazzo Seneca”, кој се наоѓа во Италија, во регијата Умбрија. 

Најдобрите хотели биле изгласани во Лас Вегас, на настанот “Best of the Best 2017”, каде гласале вкупно 800 туристички агенции и дури 16.000 туристички советници. Кандидатите кои се наоѓаат на оваа листа била избрани од портфолијата на агенциите и советници од дури 1200 хотели, одмаралишта, вили и приватни островски ресорти во над 100 земји.

Со тоа, ова се “Best of the Best” хотелите за оваа година, кои опфаќаат различни категории во областа на дизајнот, кулинарството, велнес искуствата итн.

Best Achievement in Design (Најдобар дизајн)

Наградата за најдобар дизајн ја доби хотелот “Six Senses Douro Valley” во Ламего, Португалија.

Best Dining Experience (Најдобра ресторанска понуда)

Според мислењата на жирито, најдобра кулинарска понуда има ресторанот “La Terrazza”, кој се наоѓа на врвот на хотелот “Eden Rome” во Рим, Италија.

Best Bar (Најдобар бар)

Најдобриот бар, според мислењата на жирито, се наоѓа во Париз и тоа во рамки на хотелот “Ritz”. Станува збор за барот “Hemingway”.

Best Family Programme (Најдобар фамилијарен програм)

Најдобриот програм наменет за семејни патувања го има хотелот “The Ritz-Carlton”, кој се наоѓа на Флорида, Америка.

Best Wellness Programme (Најдобар велнес програм)

По проценката на жирито, најдобриот хотел за релаксација и уживање е “Canyon Ranch” во Аризона, Америка.

Best Virtuoso Experience (Најдобро Virtuoso искуство)

Експертите од платформата “Virtuoso” велат дека најдобро си поминале во ресортот “Mayakoba Resort Riviera Maya”, кој се наоѓа на Плаја дел Кармен во Мексико.

Best Virtuoso Newcomer (Најдобар нов хотел)

Според проценката на експертите, најдобриот хотел во категоријата на оние кои дури сега ќе се истакнат со својот квалитет е дефинитивно “Four Seasons Hotel New York”, кој се наоѓа во центарот на Њујорк, во Америка.

Hotel of the Year (Хотел на годината)

Наградата “Хотел на годината” ја доби хотелот “Palazzo Seneca” во Италија. Историјата на овој хотел датира од далечната 1600. година, а неговата фасада од камен крие модерен и современ ентериер. Некогашната палата била комплетно реставрирана во 2002. година, а овој мал хотел поседува само 24 соби со прекрасно уреден простор и елегантен мебел, вклучувајќи кожни фотелји и изрезбани ормари.