По концертот на 7 декември, Тамара Тодевска планира време за семејството и патување со децата на море во текот на зимата. Пејачката го сподели овој план во гостувањето во „Reality Check“, во епизодата „Die with Zero: чии се нашите пари?“. Покрај концертните подготовки, на нејзината агенда има место и за едно семејно доживување.
Во зима на море, е интересен вовед во темата на разговорот: кога заработуваме, за што всушност ги чуваме парите? Епизодата ја отвора дилемата меѓу штедењето за иднината и искуствата што можеме да си ги дозволиме денес. Во средиштето е концептот „Die with Zero“, кој поттикнува свесно планирање на парите, времето и уживањето во животот. Дел од таа приказна се и заедничките моменти со децата, за кои секоја возраст нуди различни можности.

Планот на Тамара за зимско патување е конкретен повод оваа тема да се погледне и надвор од бројките на сметката. Колку простор оставаме за одмор и блискост меѓу професионалните обврски и плановите за иднината?
Целиот разговор со Тамара е достапен на YouTube-каналот на „Reality Check“.







