Некои железнички системи ги поместуваат границите на инженерството и ги претвораат патувањата во нереални искуства од имагинацијата. Ваквите системи се тема на овој текст - од возови што минуваат над улиците до оние што минуваат низ станбени згради, ги наведовме најчудните железници во светот.
Летечки воз Wuppertaler Schwebebahn, Германија
Кој вели дека возовите мора да се движат само по земја? Wuppertaler Schwebebahn во Германија покажува како изгледа летачкиот воз. Всушност, станува збор за висечка железница каде што возовите висат од подигната пруга, која се протега околу 13 километри низ германскиот град Вупертал.
Дизајниран е од Еуген Ланген, а пуштен е во употреба во 1901 година. Околу 85 илјади луѓе го користат секој ден, а овој воз станало омилено превозно средство за многумина.
Stoosbahn, Швајцарија
Во срцето на Швајцарија, во кантонот Швиц, покрај природната убавина, ќе бидете воодушевени од чудото на модерното инженерство - најстрмната железница во светот што се протега од подножјето до алпското село Стос на 1.300 метри надморска височина.
Stoosbahn е технички жичница - специјална железница на падина и може да се пофали дека е најстрмната во светот (совладува наклон од 110 проценти или дури 47,73 степени).
Dual-Mode Vehicle, Јапонија
Dual-Mode Vehicle (скратено DMV) во Македонија би се превело како возило со два режима на работа. Имено, за само 15 секунди, се трансформира од патнички автобус во воз што може да се движи по пругите и обратно.
Ова е можно благодарение на замената на челичните тркала на шините и класичните тркала со гуми што можат да се спуштат или повлечат во возилото со притискање на копче. На шините достигнува брзина од 60 километри на час, но на патот може да се движи побрзо од тоа.
Train du Desert, Мавританија
Најдолгиот воз во светот, познат и како пустински воз, е долг малку повеќе од два километри, со просечна брзина од околу 30 км/ч. Патувањето трае околу 20 часа. Со повеќе од 200 вагони, тој е не само најдолгиот, туку и најтешкиот воз во светот.
Секој ден, Train du Desert транспортира железна руда од рударскиот град Зуера, во северозападна Мавританија, до крајбрежниот град Нуадибу, од каде што рудата се извезува во бројни земји, особено во Европа и Азија.
Nariz del Diablo, Еквадор
Железничкиот систем на Еквадор е навистина неверојатен. Во оваа јужноамериканска земја, железницата го поврзуваше главниот град Кито со други делови од земјата пред повеќе од еден век, а беше изградена со примитивна технологија. Тоа е многу зачудувачки потфат бидејќи железницата поминува низ многу тежок терен, т.е. низ ридести клисури, бесни речни брзаци и густа шумска вегетација.
Најимпресивниот дел се нарекува Nariz del Diablo или Ѓаволски нос, кој вклучува необичен железнички дел што поминува низ карпестите падини на Андите помеѓу станиците Алауси и Сибамбе, а понекогаш се издига до 800 метри надморска височина.
