Изгледа дека актерката Сидни Свини и нејзиното момче, музичкиот могул Скутер Браун, се прилично сериозни – тој наскоро би можел да ја запроси, а таа се среќава со рабини бидејќи размислува да премине во друга вера.
„Пејџ сикс“ пишува дека парот сериозно разговара за деца, поради што славната актерка размислува да премине во јудаизам.
„Парот разговара за основање сопствено семејство, а Скутер има цврст став во врска со тоа прашање“, изјавиле извори.
Исто така, американските медиуми известуваат дека Браун планира да ја запроси во следните шест месеци.
Што се однесува до нејзиното преминување во јудаизам, се наведува дека Свини била видена како присуствува на богослужби за Рош Хашана заедно со могулот во храмот Шолом во Гринвич, Конектикат.
„Седеа во задниот дел“, изјавиле извори. Исто така, се наведува дека се сретнала со двајца рабини.
Процесот може да трае од една до четири години, а вклучува темелно изучување и бара рабин кој ќе биде нејзин спонзор, пишуваат медиумите.
„Тој многу се труди да се ожени со неа. Ја следи и изнајмува приватни авиони. Ќе остане фокусиран на неа сè додека не се омажи за него“, изјавил друг извор претходно овој месец.
Во меѓувреме, парот споделува заеднички објави на социјалните мрежи, па Браун неодамна ѝ го честитал роденденот со следната порака:
„Среќен роденден на жената која е исклучок од секое правило. На личноста која ме изненади и ми покажа како изгледа животот во вистинско партнерство. Поради тебе се насмевнувам поискрено, се смеам погласно, се впуштам во повеќе авантури и сонувам поголеми соништа. Со тебе секојдневието станува возбудливо, а иднината нешто на кое неизмерно му се радувам. И една обична насмевка може да го промени целиот ден. Ми се допаѓа што заедно можеме да бидеме малку детинести и ’слатки‘, бидејќи ништо друго не е важно. Би можел да кажам милион работи, но најважните се наменети само за тебе“.
Инаку, двајцата почнале да се забавуваат откако се запознале на гламурозната свадба на Џеф Безос и Лорен Санчез во Венеција во јуни минатата година.
Во тоа време, извор за „Пејџ сикс“ изјавил дека Браун првично бил загрижен дека Свини е премлада за него, но набрзо станал „опседнат“ и решил да започне врска со актерката.
Пред да ја започне романсата со Браун, Свини ја прекинала седумгодишната врска со Џонатан Давино, со кого требало да стапи во брак, но актерката ја откажала свадбата на почетокот на март минатата година.
Браун претходно седум години бил во брак со Јаел Коен, со која има три деца, а разводот бил финализиран пред четири години. Извори претходно изјавиле дека Свини има одличен однос со неговите деца.
