Реал Мадрид ќе се обиде оваа сезона да се врати на победнички патеки и за тоа говорат вложувањата во летниот преоден рок и засилувањата во сите линии на тимот со тоа што одговорноста се тоа да функционира, донесе резултати сега ја има Жозе Мурињо.
„Кралевите“ имаа добри и лоши моменти во досегашниот тек на сезонава, веќе претрпеа два порази во Ла Лига и имаат шест бода помалку од лидерот Барселона, додека со триумф ја отворија натпреварувачката 2026/2027 во Лигата на шампионите.
Давиде Анчелоти како човек кој мина одредено време во Реал и знае што се бара во Мадрид сепак верува дека нешто му недастасува на поранешниот европски шампион, а тоа е играч како Тони Крос.
-Не сакам сè што ќе кажам за Реал да се толкува како критика, но кога Модриќ или Крос беа таму, секое движење во просторот беше проследено со топка што пристигнуваше таму. Не велам дека фудбалерите што ги имаат сега немаат таа способност. Она што го велам е дека, за да играте вертикално, ви треба некој што знае како да ја достави топката. Да се биде вертикален не значи да имате осум тркачи. Исто така значи да имате некој што може да ги лансира. Тоа е стил на игра.
-Губиш нешто што никогаш нема да го вратиш. Најдобриот играч на светот на својата позиција. Не можеш да кажеш: „Ми треба уште еден Крос“, бидејќи нема друг. Тој беше сопственик на натпреварот. Го контролираше темпото. Играта се играше во ритамот што го сакаше. Тој одлучуваше за работите и беше фундаментален бидејќи го управуваше темпото на натпреварот. И покрај тоа, тој трчаше. Беше играч кој поминуваше 11 километри по натпревар. Знаеше како да се брани и имаше силно тактичко разбирање. Го обожавав кога играше како шестка. Навистина ми се допаѓаше тоа. Не сакаше особено да се бори за втори топки или да се вклучува во дуели. Претпочиташе да игра како осумка бидејќи ја оставаше валканата работа на шестката.
-Неизбежно, поради начинот на кој играше Реал Мадрид, губењето на Тони беше исклучително тешко. Одеднаш, тие изгубија толку многу работи. [Во добри односи сум] со сите, со сите. И со Модриќ. Но да, многу разговарав за фудбалот со Тони затоа што е многу интелигентен човек. Тој те предизвикува и те тера да размислуваш. Секогаш има интересна гледна точка за работите. Те прави подобар како тренер. Беше штета што си замина, -вели Анчелоти кој верува дека Родри можел да му помогне на Реал.
-Да. Родри би се вклопил насекаде. Тој е посебен играч. Не треба да барате копија од Тони. Мадрид ќе го пронајде својот баланс. Со Родри или без него, тие ќе бидат конкурентни до крајот, како и секогаш. На крајот, кога е важно, Мадрид е секогаш тука, -заврши Давиде.
