Челси го победи Манчестер јунајтед со 2:0 на „Стемфорд Бриџ“ во саботниот натпревар од Премиерлигата. Морган Роџерс и Кол Палмер ги постигнаа головите во второто полувреме, а гостите го завршија дуелот со десет фудбалери.

Роџерс ја прекина неизвесноста во 50. минута со одлична индивидуална акција. По додавањето на Ромео Лавија, тој напредуваше кон голот, мина покрај одбраната и со прецизна завршница го совлада Сене Ламенс.

Кол Палмер го реализира пеналот за 2:0 против Манчестер јунајтед. Фото: Chelsea FC / Точка

Пенал и исклучување по ВАР-проверка

Клучниот следен момент дојде по корнер за Челси. По ВАР-проверка беше досуден пенал поради прекршок на Лисандро Мартинез врз Весли Фофана. Аргентинецот доби втор жолт картон во 63. минута, а Палмер погоди од белата точка во 64.

Естевао двапати ја затресе мрежата, но и двата гола беа поништени поради офсајд. Без важечки погодок остана и Матеус Куња во првото полувреме.

Со овој резултат тимот на Чаби Алонсо се врати на победите по двата болни пораза во првенството и во Лига купот. За Јунајтед, пак, продолжи тешката серија: девет натпревари без победа во сите натпреварувања.