Фудбалските ѕвезди на Манчестер сити би можеле да се обидат да ги раскинат договорите со клубот и да го напуштат „Етихад“ без обесштетување, тврди британскиот „Sun“.
Играчите на Манчестер сити следната недела би требало да се вратат на тренинзите, а според наводите на британскиот весник, некои од нив би можеле да побараат одговори од раководството на клубот по одлуката на независната комисија.
Како потенцијално прашање особено се наметнува можноста за раскинување на договорите без обесштетување. Правниот застапник Пол Гилрој, кралски советник, смета дека фудбалер би можел да тврди дека клубот го нарушил односот на доверба и со тоа создал основа за еднострано раскинување на договорот.
„Играчот би можел да каже: ’Го прекршивте подразбраниот услов за доверба и меѓусебниот однос‘. Би можел да каже: ’Вие сте мојот работодавец, го прекршивте тој услов и тоа ми дава право да го раскинам договорот и да си заминам‘“, изјави Гилрој во поткастот „Stick to Football“.
Тој, сепак, нагласи дека таквото сценарио е само можност и дека многу работи би зависеле од конкретните околности и од реакцијата на клубот.
„Тоа е можност. Видов коментатори кои велат дека тоа е малку веројатно, но зависи од толку многу работи. Што ќе им каже клубот на играчите? Како финансиски ќе ја решат ситуацијата?“, додаде Гилрој.
Во центарот на вниманието е и Ерлинг Халанд, чиј договор со Манчестер сити е еден од највредните во историјата на клубот. Според наводите на „Sun“, играчите на Сити немаат клаузули кои би им овозможиле автоматски да заминат во случај клубот да испадне од Премиер лигата.
Потенцијалните спорови, меѓутоа, не би се однесувале само на играчите.
