Винисиус Жуниор размислувал за трансфер во Арсенал, откри неговиот агент. Лондонскиот клуб доставил привлечна понуда за бразилскиот фудбалер.
Винисиус Жуниор сериозно ја разгледувал можноста да го напушти Реал Мадрид и да ја продолжи кариерата во Арсенал, откри Мајкл Јормарк, еден од агентите на бразилскиот фудбалер.
Лондонскиот клуб бил подготвен да покаже колку сака да ја доведе ѕвездата на Кралскиот клуб, а според зборовите на неговиот застапник, понудата на Топчиите била доволно привлечна за бразилскиот репрезентативец сериозно да размисли за промена на средината.
– Дали сериозно го разгледуваше Арсенал? Апсолутно. Кога таков клуб ќе ви постеле црвен тепих и ќе направи да се почувствувате навистина посакувани, секако дека мора да слушнете што нуди – изјавил Јормарк во разговор за порталот „The Touchline“.
Винисиус на крајот ја одбил можноста за преселба во Премиер лигата и одлучил да ја продолжи соработката со Реал, со кој потпишал нов договор до 2032 година. Арсенал, и покрај сериозниот интерес, останал без едно од најголемите потенцијални засилувања.
