Играчите на Еспањол организирано се бранеа и изгледаа тактички беспрекорно речиси 90 минути на натпреварот против Реал Мадрид, но едно мало опуштање и невнимание на крајот заврши со гол за победа на „кралевите“.
Фаворитот освои тешки три бода благодарение на „џокерот“ Карлос Еспи на самиот истек на 90-та минута, а до тој момент, натпреварот беше 1:1 и Еспањол имаше „бод во џеб“.
Засилувањето од Леванте ги разочара навивачите од Барселона кои дојдоа во голем број да го гледаат натпреварот против Реал, па во ситуација кога младиот Еспи ги собра пофалбите, Винисиус Жуниор одново имаше тензични моменти со дел од противниците.
Бразилецот со своите потези и реакции повторно го привлекуваше вниманието, а Еспањол како клуб му забележа поради фактот што во неколку наврати се обиде да изнуди пенал и реши јавно да го опомене.
– За колку фрлања во базен се добива втор жолт картон? Ова е прашање за еден пријател, – гласи објавата на Еспањол посветена на Винисиус.
Тибо Куртоа како човек кој даваше интервју по крајот на натпреварот доби шанса да го коментира овој потег на клубот од Барселона, при што голманот на Реал заклучи дека домаќините биле среќни што го завршиле мечот со 10 играчи на теренот.
– Би сакал да ги видам сите објави на клубовите во текот на сезоната, а не само кога играат против нас. Од нивниот тим, Кала требаше да добие црвен картон доста порано. Прво треба да се погледат во огледало и да видат што прават нивните играчи. Сите напаѓачи се фрлаат, но најлесно е да се осуди противникот, – изјави Куртоа.
