Враќањето на принцот Хари во Обединетото Кралство би можел да внесе раздор меѓу принцот Вилијам и нивниот татко, кралот Чарлс Трети.
Кралскиот известувач Том Сајкс истакна дека враќањето на Хари и Меган Маркл во Обединетото Кралство ќе претставува огромен предизвик за Вилијам.
„Принцот Вилијам ќе мора да смисли како ќе одговори на ова“, додаде изворот, напоменувајќи дека нема да биде одржливо принцот од Велс да продолжи да одбива да го види или да разговара со својот помлад брат.
Авторот на книгата „The Royalist“ верува дека Вилијам ќе има проблеми со снаоѓањето во настаните на кралското семејство на кои присуствува Хари.
„Што ќе се случи ако Чарлс го покани Хари да му се придружи на кралското семејство за Божиќ? Што ќе се случи ако Хари сака да присуствува на одбележувањето на Денот на сеќавањето? Што ќе се случи ако неговиот татко го поддржи Хари така што ќе се појави во јавноста рамо до рамо со него? Тоа е огромен број предизвици за Вилијам“, се прашува Сајкс.
Новинарот, исто така, предвиде дека Хари веројатно ќе ја побара поддршката од Чарлс за своите „Invictus Games“, меѓународен мултиспортски настан на војводата од Сасекс за ранети, повредени и болни припадници на воената служба.
„Мислам дека другата работа за која очигледно станува збор е да се натера кралот да ги поддржи „Invictus Games“, кои имаат сериозни проблеми со собирањето средства. Но, сега, ако Хари успее многу брзо повторно да воспостави блискост со кралот и ако успее да го доведе кралот како гостин на „Invictus Games“, или уште подобро, ако успее да го доведе кралот како достоинственик кој ќе ги отвори „Invictus Games“, тогаш мислам дека одеднаш ќе видите како спонзорите се втурнуваат кон тоа“, додава тој.
Сајкс би го сметал ова за „огромна победа“ за Хари и „огромна грешка“ за Чарлс.
„Тие двајца се неверојатно непопуларни. Сега се враќаат со ‘подвиткана опашка’“, изјави тој.
Извор од кралското семејство смета дека враќањето на Хари и Маркл во Обединетото Кралство е признание за нивниот неуспех во Соединетите Американски Држави.
