Трансфер шпекулациите се редовна забава за фудбалските фанови додека траат преодните рокови, а во летниот има толку многу време што ретко нешто не е барем навестено, пред да се реализира.
Но, Брајтон успеа да повлече еден изненадувачки потег и во Премиер лигата доведе амбициозен канадски репрезентативец, кој веќе го најави својот талент на последното Светско првенство.
Промис Дејвид покажа дел од својот потенцијал и очигледно го привлече вниманието на „галебите“, а сега стана јасно дека премиерлигашот договорил заем со неговиот клуб Унион од Белгија.
Упорниот Дејвид е награден за својот досегашен труд, бидејќи се пробиваше како ретко кој друг играч кој завршил во елитна лига како Премиер лигата.
Покрај настапите во локалните клубови, тој во еден момент станал член на младинската академија на хрватскиот нисколигаш Трње, потоа настапувал за два клуба од Малта, па преку Естонија конечно да го подигне нивото со трансферот во Унион.
Брајтон првата сезона ќе го има Дејвид како позајмен играч, но потоа ќе плати 22 милиони фунти за трансферот.
