„Rockstar“ објави дека првиот приказ на гејмплејот на "GTA 6" во третиот официјален трејлер премиерно ќе биде прикажан на „Netflix“ на 27 август во 21 часот, а шест часа подоцна ќе биде објавен и на „YouTube“ каналот на „Rockstar“.
Многу итрата маркетиншка кампања поврзана со "Grand Theft Auto 6", во која повеќе се крие отколку што се открива, се одвива според планот. Со оглед на тоа што е најавено дека оваа игра на годината, ако не и на деценијата, ќе биде пуштена во продажба на 19 ноември, „Rockstar“ постепено открива нови детали, па дури и најавите за нови најави ги полнат медиумските наслови.
Имено, „Rockstar“ вчера на својот официјален профил на „X“ објави дека третиот промотивен видеоматеријал ќе биде објавен на 27 август во 21 часот по наше време, а љубопитните фанови ќе можат премиерно да го погледнат на „Netflix“.
Секако, не беа откриени никакви детали за неговата содржина, но се споменува дека станува збор за проширен приказ. Затоа, како што сугерираат бројни портали, се очекува конечно да биде прикажан вистинскиот гејмплеј, а промотивното видео веројатно ќе трае и нешто подолго, на што искрено се надеваме.
Grand Theft Auto VI: An Extended Look premieres on @netflix Thursday, August 27 at 3 p.m. ET.https://t.co/px5rI0eKh7 pic.twitter.com/IDZO55jY6K
— Rockstar Games (@RockstarGames) August 6, 2026
Колку оваа ексклузивност воопшто има смисла, нема да коментираме, бидејќи сме сигурни дека бројни стримери веднаш по објавувањето на „Netflix“ ќе ги споделуваат своите впечатоци и мислења и бурно ќе реагираат за да привлечат гледачи. Воедно, најавено е дека видеото ќе биде објавено и на „YouTube“ каналот на „Rockstar“ шест часа подоцна, односно на 28 август во 3 часот наутро.
