Џулијано Симеоне изненадувачки доби шанса во стартната постава во полуфиналето на Светското првенство и тоа беше втор старт за него по мечот со Јордан, а сосема очекувано, синот на легендарниот Чоло не потфрли кога е пожртвуваноста и претрчаните километри во прашање.
Симеоне си ја заврши својата работа со агресивниот стил на игра и беспоштедноста, па откако неговиоте соиграчи се погрижија и за импресивен пресврт во самиот финиш од мечот, Џулијано привлече внимание во Аргентина и со интервјуто кое го одработи по полуфиналето.
Играчот за врска е препознатлив по својата страст и секој атом од силите кои го остава на теренот, но за него далеку поимпресивно е тоа што го прави нивниот лидер и капитен.
Кога дојде момент да говори за Меси, Џулијано се расплака за време на интеврјуто и режираше сцена која стана доста вирална во својата родна земја.
– Лео има 39 години и освои се што може да посака и да сонува еден фудбалер, но тој и натаму се бори иако е најдобар. За нас другите, преостанува само една работа. Да дадеме се што имаме, последниот атом од силите, да трчаме за него и за Аргентина, – изјави Џулијано со растреперен глас.
Giuliano Simeone, emotional talking about Messi:
— All About Argentina 🛎🇦🇷 (@AlbicelesteTalk) July 16, 2026
"Leo is 39 years old, he has everything a footballer could dream of and is still fighting like as the best. So for us, there’s only one thing left, give everything we have, run for him and for Argentina." pic.twitter.com/PX2aO7fjIh
