Шпанија го спречи Дидие Дешамп да стане првиот селектор кој ја одвел својата земја на три последователни финалиња на Светски првенства, и тоа во последниот обид кој го имаше искусниот стручњак да стигне до втората божица како преводник на тимот.
„Црвената фурија“ ја оддува анемичната Франција и сосема заслужено завери втор билет во едно мундијалско финале, а иако ја призна надмоќноста на ривалот во текот на сите 90 минути, Дешамп испорача и една забелешка по болниот пораз.
Францускиот селектор смета дека главниот судија не бил достоен за едно полуфинале на Светско првенство, па ја доведе во прашање одлуката на ФИФА да именува арбитар како Иван Бартон од Ел Салвадор.
– Шпанија е многу силна и го видовме тоа на дело, но реалноста е дека ние не бевме на ниво. Направивме премногу грешки и во такви услови е невозможно да победите на вака тежок меч. Разочарувањето е огромно, во првото полувреме добивме премногу удари од кои не се опоравивме. Пеналот, повредата на Салиба, жолтиот картон на Рабио…, – изјави Дешамп, кој иако не сакаше да бара алиби, го издвои судијата како најлош актер во полуфиналето.
– Не го велам ова бидејќи загубивме, но ќе поставам само едно прашање: Сметате ли дека судијата беше на ниво за едно полуфинале? Поставувам само прашање….. Погледнете го цел натпревар, не само пеналот, – изјави Дешамп кој сепак најголема заслуга за резултатот и дава на Шпанија.
– Ние не бевме на наше ниво, имавме премногу технички грешки, но тоа беше резутлат на добро поставениот противник. Не знаевме добро да го читаме мечот и тоа беше заслуга на Шпанија. Сакавме ново финале, но тоа е фудбалот. Сега ни преостанува борба за трето место, нема да се откажеме и ќе се обидеме да победиме на последниот меч кој ќе го играме на мундијалот, – заврши Дидие кој по ова Светско првенство става крај на својата успешна етапа како француски селектор, период во кој досега освои една светска титула и еден сребрен медал.
