Во 2010 година, Дафи исчезна без трага и глас, а со години обожавателите и целата музичка индустрија се прашуваа каде е таа и зошто повеќе не се занимава со музика.
Велшката пејачка Дафи, чие вистинско име е Ејми Ан Дафи, настапи за прв пат по 16 години. Сопственичката на глобалниот хит „Mercy“ одржа таен лондонски настап во Хокстон Хол.
Концертот го следеше одбрана публика, а во пресрет на концертот, Дафи беше снимена надвор од салата, во која влезе низ задниот влез. Пејачката носеше црн фустан, кој го комбинираше со впечатлив црвен кармин. Ја држеше својата препознатлива руса коса спуштена надолу.
Duffy Makes Triumphant Return to Stage in Top-Secret London Gig After 16 Years
— Voice of Germany (@NewsVOG) July 6, 2026
London, — Welsh singer Duffy, the Grammy and Brit Award-winning artist known for her hit “Mercy,” has performed her first live show in over 15 years in a highly secretive intimate gig in London on… pic.twitter.com/II0h0biByX
Освен што влегуваше од задниот дел на салата за сопствена безбедност, Дафи ангажираше и долгогодишен телохранител за музичарот Ноел Галагер, член на култниот бенд „Oasis“.
Секој обожавател што присуствуваше на настапот мораше да потпише договор за доверливост пред да влезе. Договорот ѝ забранува на публиката да објавува фотографии или видеа од концертот и им забранува да споделуваат какви било детали за настанот преку интернет.
Велшката ѕвезда стана позната преку ноќ во 2008 година, кога ги издаде песните „Mercy“ и „Warwick Avenue“, како и албумот „Rockferry“. Истиот ѝ донесе три BRIT награди, награда „Gemma“ и награда „Ivor Novello“. Сепак, во 2010 година, Дафи исчезна без трага и глас, а со години обожавателите и целата музичка индустрија се прашуваа каде е и зошто повеќе не се занимава со музика.
Пејачката девет години живеела приватен живот во својот дом во Сари, а потоа во 2020 година објаснила зошто исчезнала. Во есеј што го објавила на Инстаграм, таа опишала како била дрогирана во ресторан додека го славела својот 26-ти роденден во 2010 година. Истиот ден била киднапирана и силувана, пред да биде вратена дома и држена во заробеништво во својот дом четири недели.
Меѓу другото, таа рекла дека на почетокот никому не кажала што се случило, но подоцна ги споделила деталите со терапевт кој ѝ помогнал. Исто така, не го пријавила веднаш случајот во полиција бидејќи се плашела за својот живот, но потоа ја известила полицијата за случајот во два наврати.
По речиси две децении пауза, Дафи решила да се врати на сцената. Пред два месеци, таа откри дека ќе одржи таен настап во Лондон, каде што ќе изведува нови песни. Покрај тоа, беше најавен и документарец за пејачката, кој ќе биде објавен на платформата „Disney+“, а кој ќе ја раскаже приказната за нејзиниот живот, слава и повлекување од јавноста.
