Оваа промена е дел од пошироката реформа на царинскиот систем на ЕУ, чија цел е подобра контрола на огромниот број мали пратки кои секојдневно пристигнуваат на европскиот пазар.

Главната новина се однесува на пратките со вредност до 150 евра кои пристигнуваат надвор од ЕУ. За секој ставка во пратката се воведува фиксна царина од 3 евра. Во пракса, тоа значи дека нарачките што содржат неколку различни производи со ниска цена може да станат значително поскапи.

Ако кошничката содржи, на пример, пет ситници од „Temu“ што се испратени од Кина, треба да додадете уште 15 евра на нивната цена само за царина.

Купувачите смислија трик

За да ги избегнат овие трошоци, купувачите сè повеќе се вртат кон производи што се испорачуваат од магацини во рамките на ЕУ. Платформите веќе воведоа филтри што го олеснуваат таквото пребарување:

„Temu“: Корисниците можат да го користат филтерот „Испорака од“ и да ја изберат опцијата „Локален магацин“. Производите што не подлежат на новата царинска давачка ќе бидат означени како „локални“.

„Shein“: Апликацијата неодамна го додаде филтерот за магацин на ЕУ. Со кликнување на оваа опција, се прикажуваат артикли што веќе се во рамките на Европската Унија и на нив не се применува новата фиксна такса.

Постои и една „стапица“

Иако купувањето од европски магацини заштедува пари на царина, тоа има и свои недостатоци. Изборот на производи е често значително помал отколку во централните магацини во Кина, а цените на самите артикли можат да бидат малку повисоки.

Ова решение со фиксна царинска давачка од 3 евра претставува преодна мерка што ќе се применува до 2028 година, кога се очекува целосна и сеопфатна реформа на царинскиот систем на Европската Унија.