Иако се очекуваше новата романтична комедија на Џенифер Лопез „Office Romance“ да биде на врвот ова лето кога станува збор за овој жанр, на „Netflix“ на листата на најгледани ја надмина значително поемотивниот наслов „Voicemails for Isabelle“.
Филмот „Voicemails for Isabelle“, кој го режираше и го напиша Лија Мекендрик, се опишува како модерна верзија на култниот класик „You've Got Mail“, но прилагодена на генерацијата од 2020-тите.
Приказната ја следи Џил (Зои Дојч), млада и амбициозна слаткарка од Сан Франциско, која се бори со голема тага по ненадејната загуба на својата помлада сестра Изабела.
За полесно да се справи со болката, Џил продолжува редовно да го повикува стариот број на мобилниот телефон на својата сестра и да ѝ остава долги, искрени и често хаотични говорни пораки за својот љубовен живот, неуспешните состаноци и секојдневните драми.
Меѓутоа, она што Џил не го знае е дека бројот во меѓувреме му е доделен на некој друг – Вес (Ник Робинсон), агент за недвижности од Остин. Вес почнува да ги слуша нејзините пораки, најпрво од љубопитност, а потоа целосно е воодушевен од нејзиниот глас, ранливоста и енергијата.
Привлечен од нејзината приказна, тој носи импулсивна одлука да отпатува во Сан Франциско за да ја запознае, но крие тајна за тоа како всушност дознал сè за неа.
Филмот е на второто место меѓу најгледаните на „Netflix“, а ја надмина новата романтична комедија „Office Romance“ со Џенифер Лопез во главната улога.
Критиката е едногласна во едно – филмот опстојува и освојува пред сè благодарение на неверојатната хемија меѓу Зои Дојч и Ник Робинсон, иако самото сценарио страда од некои типични слабости на современиот стриминг-жанр.
Критичари како Бенџамин Ли од „The Guardian“ забележуваат дека филмот оди по тенок мраз кога станува збор за демнењето на Вес и навлегувањето во приватноста. Сепак, тие посочуваат дека филмот поседува модерна, „poppy“ сензибилност, која изобилува со денешни современи изрази за врските (како што се love bombing или gaslighting).
Гледачите на платформи како „Reddit“ истакнуваат дека во првите 20 минути од филмот плачеле од тага, а потоа се смееле, па многумина веќе го прогласуваат за „романса на годината“.
