Во Европа се појави нов сообраќаен знак кој дозволува возење по одредена сообраќајна лента само доколку во возилото има најмалку двајца патници. Непочитувањето на овој знак повлекува казна од 135 евра.

Белиот ромб на сина позадина беше претставен во Франција минатата година, во 2025 година и веќе стана постојан дел од уличниот пејзаж на земјата, пишува финскиот весник „Iltalehti“. Целта на новиот знак е да се намали сообраќајниот метеж и да се поттикне поеколошки начин на патување.

Со оглед на тоа што овој сообраќаен знак не се користи низ цела Европа, не се учи во повеќето автошколи. Поради ова, многу туристи може ненамерно да ги прекршат правилата додека возат.

Кој може да ја користи лентата каде е поставен знакот?

Лентите означени со овој симбол се резервирани исклучиво за одредени категории.

Дозволено возење на оваа лента:

✓Автомобили во кои има најмалку две лица (т.н. заедничко патување или споделување на автомобили);
✓Електрични автомобили;
✓Такси возила;
✓Возила за јавен превоз.

Паметните камери ги бројат патниците во кабината

Прекршоците се многу лесни за забележување и санкционирање, бидејќи сообраќајот се следи со нови, високотехнолошки радарски камери. Тие не само што ги снимаат регистарските таблички на возилата, туку нивната напредна технологија е во состојба да го препознае и изброи точниот број на луѓе во автомобилот.

Ако возите сами во оваа лента, ќе бидете казнети со 135 евра - и тие пари дефинитивно би било подобро да се потрошат на одмор. Новиот сообраќаен знак веќе може да се види во градови како Лион, Гренобл и Стразбур, но и на многу главни автопати во Франција.

Иако овој систем заживува во Франција, во многу други европски земји, како што е Финска, се користат само стандардни знаци за ленти резервирани за автобуси и такси (кои можат да ги користат и возилата на службите за итни случаи). Знаци што го ограничуваат возењето врз основа на бројот на патници во приватни автомобили сè уште не постојат во повеќето земји.