Даниел Муњоз ја потврди фантастичната форма во раната фаза на Светското првенство, па така неговиот нов блесок беше доволен за втора победа на Колумбија и место на „кафетеросите“ во нокаут рундата.
Колумбија влезе како апсолутен фаворит против ДР Конго и ги контролираше случувањата на теренот во секој поглед, но го пробиваше ледот во доцната фаза од натпреварот.
ДР Конго постави „бункер“ пред својот гол и благодарение на голманот Мпаси-Нзау остана во игра до самата завршница, меѓутоа тогаш на сцена стапи Муњоз кој погоди за 1:0.
Откако беше стрелец и во првото коло, десниот бек на Кристал Палас се најде на вистинско место и стрелаше за 1:0 во 76-та минута, а со тоа прерасна во јунак на мечот во Гвадалахара во Мексико.
Со втората победа, Колумбија е прва во групата К и обезбеди место меѓу 32-те најдобри селекции, па сега во последното коло во групната фаза ќе игра директен дуел со Португалија за подобра позиција во нокаут рундата.
