Манчестер Јунајтед треба да има активно трансфер лето и да донесе неколку играчи со кои ќе се зголеми квалитетот во сите линии во екипата.
Ова ќе биде прв посериозен предизвик за менаџерот Мајкл Керик кој ќе може да ги избере фудбалерите кои најдобро би се вклопиле во системот што го практикува, а во исто време на клубот би му донеле резултати.
Информациите се дека Јунајтед веќе го договорил Едерсон од Аталанта и дека само прашање е на време кога официјално ќе биде потврдена зделката, ама на средината на теренот потребно е уште едно име, па Франк Лебеф и Луис Саха веруваат дека перфекно засилување би бил Ворен Заир-Емери од ПСЖ.
-Мислам дека тоа би било одлично засилување за Манчестер Јунајтед, но ќе му требаат играчи околу него за да успеe. Многу го сакам Мајкл Карик и работата што ја вршеше за Манчестер Јунајтед, а играше на позицијата на Заир-Емери. Па сум прилично сигурен дека би му дал одличен совет за подобрување. Тоа би можело да биде одличен потег за него. Заир-Емери е воин. Ќе се жртвува за тимот за кој игра. Тоа е сигурно. Дали ќе биде подготвен? Сè уште не сум сигурен.
-Имаше чудна сезона. Ја заврши добро, но се мачеше првите шест месеци. Затоа не играше повеќето натпревари. Можеби затоа што се прашуваше дали треба да остане или не, -вели Лебеф.
Саха пак порача:
-Без двоумење би рекол дека секој клуб во светот, од која било земја, би сакал да го има Ворен Заир-Емери во својот тим бидејќи тој е неверојатен играч. Да, можеби поради неговата младост, понекогаш може да биде избран по Фабијан Руиз или Витиња и Жоао Невес, но тоа е затоа што тие тројца се исклучително моќни и комплетни. Заир-Емери сè уште учи и може да игра во средниот ред, на позицијата десен бек и десно во средниот ред. Тој е некој што може да се адаптира, многу е интелигентен, многу посветен, многу фокусиран. Секој менаџер во светот би сакал да го има во својот клуб затоа што ќе игра девет од десет натпревари. Никогаш нема да се жали, ќе работи напорно и ќе ве забавува.
-Јас сум голем фан. Тој се појави на сцената многу млад и беше доведен во прашање, оттогаш им докажува на луѓето дека грешат. Тој би бил мојот идеален потпис за Манчестер Јунајтед на толку многу начини. Што се однесува до квалитетот во тој среден ред, тој би можел да се вклопи покрај Коби Мејну, може да трча со топката и да додава во тесни позиции. дефинитивно има огромна иднина пред себе, и ако Јунајтед успее да го потпише, тоа е различен калибар.
-Нема да бидам изненаден ако видам некој голем тим да го потпише како Барселона, Реал Мадрид, Баерн Минхен или кој било друг, -истакна некогашниот напаѓач на „црвените ѓаволи“.
Денес
