Историска промена: Првиот дрес на Реал за првпат ќе биде во три бои

Како што информира угледниот „АС“, за првпат во историјата на Реал Мадрид ќе има три бои на домашниот дрес, бидејќи покрај доминантната бела боја, на новиот дрес има и светло розова и темно зелена боја.

Розовата боја ќе доминира на ракавите и на лентите кои се препознатлив знак за брендот „Адидас“, додека зелената боја ќе ја има на крајот од ракавите и на средишниот дел од дресот каде се испишани спонзорите.

Фановите на Реал Мадрид не се премногу воодушевени од комбинацијата на двете дополнителни бои, а особено не од розовата која нема никаква историја со „кралскиот клуб“.

Реакциите на социјалните мрежи содржат доста критики, но и покрај тоа се очекува голема продажба на дресови пред почетокот на сезоната.